విదేశాల్లో సిట్టింగులు అందుకోసమే

ఓ కథ రాయాలన్నా ఎదో ఒక ఫీలింగ్ ఉండాలి అంతే కాకుండా ఒక ప్రశాంతమైన వాతావరణం కూడా ఉండాలి. మరి ఆ కథను తెరకెక్కించినప్పుడు వాటికి బలాన్ని ఇచ్చే పాటలు ఇంకా ఏ రేంజ్ లో ఉండాలో ప్రత్యేకంగా చెప్పనక్కర్లేదు. మ్యూజిక్ బావుంటేనే సినిమాకి భారీ స్థాయిలో క్రేజ్ వస్తోంది అనడంలో ఎలాంటి సందేహం లేదు. అందుకే ఈ రోజుల్లో దర్శకులు ఎక్కువగా సంగీతంపై ద్రుష్టి పెడుతున్నారు.

ముఖ్యంగా బడా నిర్మాతలు స్టార్ హీరోల సినిమాల కోసం సంగీత దర్శకులతో స్పెషల్ సిట్టింగ్స్ వేస్తున్నారు. ఆ సిట్టింగ్ ఇక్కడా కూడా కాదు ఏకంగా విదేశాలకు సంగీత దర్శకులను తీసుకెళ్లి మంచి ట్యూన్స్ చెయ్యమని అవకాశం కల్పిస్తున్నారు. ఆ విధంగా ప్రస్తుతం ట్యూన్స్ రెడీ చేస్తున్నాడు రాక్ స్టార్ దేవి శ్రీ ప్రసాద్. సాంగ్స్ హై లెవెల్ లో ఉండాలని డిఎస్పీ కూడా ప్రశాంతంగా విదేశాల్లో సరికొత్త ట్యూన్స్ రెడీ చేస్తున్నాడట. ఒకప్పుడు బడా సినిమాలకు మణిశర్మ - కీరవాణి సంగీతాన్ని అందించేవారు. కానీ వారి హవా ప్రస్తుతం తక్కువవ్వడంతో డిఎస్పీ టాలీవుడ్ మ్యూజిక్ డైరెక్టర్ లలో టాప్ ప్లేస్ లో ఉన్నాడు. జయాపజయాలతో సంబంధం లేకుండా సినిమాలను చేస్తున్నాడు. చేసిన ప్రతి ఆల్బమ్ లో ఎదో ఒక సాంగ్ తెగ హిట్ అవుతోంది.

దిల్ రాజు బ్యానర్ లో త్వరలోనే మహేష్ 25వ చిత్రం వంశీ పైడిపల్లి దర్శకత్వంలో తెరకెక్కనుంది. అయితే ఆ సినిమా ట్యూన్స్ కోసం దిల్ రాజు - డిఎస్పీ తో కలిసి అమెరికా వెళ్లాడు. అక్కడే రెండు వారల పాటు చర్చలు జరిపి రీసెంట్ గా స్వదేశానికి వచ్చాడు. ఇంతకుముందు బివిఎస్ ఎన్ ప్రసాద్ కూడా పవన్ కళ్యాణ్ - అత్తారింటికి దారేది సినిమా కోసం దేవి తో కలిసి స్పెయిన్ వెళ్లారు. ఆ సినిమాకి మంచి ట్యూన్స్ వచ్చాయి అంతే కాకుండా సినిమా కూడా హిట్ అయ్యింది. మరి ఇప్పుడు మహేష్ సినిమాకు కూడా అదే సిన్ రిపీట్ అవుతుందో లేదో చూడాలి.