విన్నర్ ట్రైలర్ ఎందుకు ఆగిందబ్బా?

మెగా ఫ్యామిలీ హీరో సాయిధరం తేజ్ నటించిన విన్నర్ మూవీపై.. ఇప్పుడు ఇండస్ట్రీలో బాగానే బజ్ ఏర్పడింది. ఫిబ్రవరిలోనే రిలీజ్ కానున్న ఈ మూవీ పాటలను.. వరుసగా స్టార్లు.. సెలబ్రిటీలతో లాంఛ్ చేయిస్తూ.. మంచి హైప్ క్రియేట్ చేయడంలో సక్సెస్ అయింది విన్నర్ టీం.

తేజు-రకుల్ ప్రీత్ సింగ్ జంటగా నటించిన విన్నర్ ట్రైలర్ ను.. ఇవాళ మధ్యాహ్నం (ఫిబ్రవరి 9) 12.30కి రిలీజ్ చేస్తామని ముందే ప్రకటించింది యూనిట్. కానీ టెక్నికల్ ఇష్యూస్ అంటూ.. ఇప్పుడు థియేట్రికల్ ట్రైలర్ రిలీజ్ ను పోస్ట్ పోన్ చేసేశారు. అది కూడా ఎప్పుడు రిలీజ్ అనే విషయం చెప్పకుండా వాయిదా వేయడంతో.. పలు సందేహాలు మొదలైపోయాయి. ఎస్ఎస్ థమన్ సంగీతం అందించగా ఇప్పటికే రిలీజ్ అయిన 3 పాటలు.. బాగానే హల్ చల్ చేస్తున్నాయి. థియేట్రికల్ ట్రైలర్ తో సుప్రీం స్టార్ మరింత ఆకట్టుకుంటాడని అనుకున్న సమయంలో.. ఇలా వాయిదా పడ్డం మెగాఫ్యాన్స్ ను నిరుత్సాహ పరిచింది.

ఇక ఈ నెల 19న విన్నర్ ప్రీ రిలీజ్ ఫంక్షన్ ను నిర్వహించి.. మహాశివరాత్రి కానుకగా ఫిబ్రవరి 24న మూవీని విడుదల చేస్తామని చెప్పాడు దర్శకుడు గోపీచంద్ మలినేని. అయితే.. ఈ మూవీకి ఇంకా ఓ పాటను షూట్ చేయాల్సి ఉంది. ఫిబ్రవరి12 నుంచి ఈ సాంగ్ షూటింగ్ ఉండనుంది.

Like Us on Facebook : https://www.facebook.com/Tupakidotcom/