ఒక‌వైపు నాన్న‌.. మ‌రోవైపు మెగాస్టార్ న‌వ్వులు

అచ్చంగా ఇదే మాట‌ను చెప్పేశాడు అర్జున్ రెడ్డి.. అదే.. విజ‌య్ దేవ‌ర‌కొండ‌. సినిమా పేరును ఇంటిపేరుగా మారిపోవ‌టం చాలామంది న‌టుల‌కు మామూలే. కానీ.. సినిమా పేరు అత‌గాడి అస‌లుపేరుగా మారింది. 2017లో రిలీజ్ అయిన మూవీస్ లో అర్జున్ రెడ్డి టాప్ 5 మూవీస్ లో ఒక‌టిగా నిల‌వ‌టం తెలిసిందే.

ఈ సినిమాకు సంబంధించి ఇప్ప‌టికే బోలెడ‌న్ని వార్త‌లు వ‌చ్చాయి. తాజా వార్త‌లో ప్ర‌త్యేక‌త ఏమిటంటే.. ఒక ప్ర‌ముఖ ఛాన‌ల్ అవార్డుల ఫంక్ష‌న్ ను టెలికాస్ట్ చేసింది. డిసెంబ‌రు 31 సంద‌ర్భంగా టీవీలో టెలికాస్ట్ అయిన ఈ ప్రోగ్రాంలో అర్జున్ రెడ్డి చిత్రానికి విజ‌య్ దేవ‌ర‌కొండ‌కు అవార్డు వ‌రించింది.

దీన్ని తీసుకునేందుకు వేదిక మీద‌కు ఎక్కిన విజ‌య్ కు ఆయ‌న తండ్రి కూడా రాగా.. మెగాస్టార్ చేతుల మీదుగా ఆ అవార్డును తీసుకున్నాడు. ఈ విష‌యాన్ని త‌న ట్విట్ట‌ర్ ఖాతాలో పంచుకున్న విజ‌య్‌.. ఓవైపు నాన్న న‌వ్వులు.. మ‌రోవైపు మెగాస్టార్ న‌వ్వులు.. 2017 ఎంత గొప్ప సంవ‌త్స‌ర‌మో క‌దా అని పేర్కొన్నారు. ఈ ట్వీట్ తో పాటు.. త‌న తండ్రి.. త‌ల్లితో క‌లిసి అదే వేదిక మీద ఉన్న ఫోటోను పోస్ట్ చేస్తూ.. అమ్మా..నాన్నా మీరిద్ద‌రు ఉత్త‌మంలో అత్యుత్త‌మం అంటూ భావోద్వేంతో పోస్ట్ చేస్తూ.. న్యూఇయ‌ర్ విషెస్ చెప్పేశాడు.