సినిమాల కోసం రెబల్ స్టార్‌ పేరు మార్చుకున్నారా?

రెబల్‌ స్టార్‌ మృతితో టాలీవుడ్ మొత్తం తీవ్ర దిగ్బ్రాంతిని వ్యక్తం చేసింది. షూటింగ్‌ లు ఎక్కడికి అక్కడ నిలిపి వేసి అంతా కూడా కృష్ణం రాజు ఇంటికి క్యూ కట్టారు. ఐదు దశాబ్దాలకు పైగా సినిమా పరిశ్రమలో కొనసాగుతూ మొన్నటి వరకు కూడా నటిస్తూనే ఉన్న కృష్ణం రాజు మృతి లోటును ఏ ఒక్కరు కూడా తీర్చలేరు అంటూ సినీ ప్రముఖులు మరియు ఆయనకు నివాళులు అర్పించిన పలువురు ప్రముఖులు అభిప్రాయం వ్యక్తం చేశారు.

సినిమాల్లో ఎక్కువ శాతం యాంగ్రీ యంగ్‌ మెన్ పాత్రల్లో నటించడంతో పాటు.. ప్రతి పాత్రలో మరియు సినిమాలో కూడా రెబల్‌ అన్నట్లుగా కనిపిస్తూ ఉంటాడు. అందుకే ఆయన్ను అప్పట్లో అభిమానులు రెబల్‌ స్టార్‌ అంటూ పిల్చుకునేవారు. హీరోగా ఆయన సాధించిన విజయాలు అన్నీ ఇన్నీ కావు. సినిమా ఇండస్ట్రీలో అడుగు పెట్టక ముందు రెబల్‌ స్టార్‌ ఒక సామాన్యమైన జర్నలిస్ట్‌ శ్రీఉప్పలపాటి చిన వెంకట కృష్ణంరాజు.

ఎప్పుడైతే సినిమాల్లో అడుగు పెట్టాలని అనుకున్నాడో తన పేరును షార్ట్‌ గా చేయాలని అనుకున్నాడు. ఇంటి పేరులో శ్రీ ని తొలగించి మెయిన్‌ నేమ్‌ లో చిన వెంకట పదాలను తొలగించాడు. అలా ఉప్పలపాట కృష్ణంరాజు గా ఆయన నిలిచారు. కాలం గడుస్తున్నా కొద్ది ఉప్పలపాటి కృష్ణం రాజు కాస్త రెబల్‌ స్టార్‌ కృష్ణం రాజు గా మారి పోయింది.

రెబల్‌ స్టార్‌ అనే బిరుదు కృష్ణం రాజుకి ఇంటి పేరు గా నిలిచి పోయింది. కృష్ణం రాజు నట వారసుడిగా తెలుగు సినిమా పరిశ్రమలో ప్రభాస్ ఎంట్రీ ఇవ్వగా.. కృష్ణం రాజు కుమార్తె ప్రసీద ఈమధ్యే నిర్మాణం దిశగా అడుగులు వేస్తోంది. ముందు ముందు మరిన్ని సినిమాలను ఆమె నిర్మించే అవకాశాలు ఉన్నాయంటూ తెలుస్తోంది.