రంగమ్మను మించేస్తుందా... ?

సినిమా సంగీతం అంటే అన్నీ మేళవించి ఉంటాయి. ప్రత్యేకించి జానపద బాణీలు సినీ స్టైల్ లో రూపుదిద్దుకుంటే ఆ కిక్కే వేరుగా ఉంటుంది. మూడేళ్ళ క్రితం వచ్చిన రంగస్థలం మూవీలో రంగమ్మా మంగమ్మా సాంగ్ ఎంత మోత మోగించిందో అందరికీ తెలిసిందే. ఆ మూవీలో సూపర్ హైలెట్ సాంగ్ అంటే అదే చెప్పాలి. ఇదిలా ఉంటే లెక్కల మాస్టర్ సుకుమార్ డైరెక్షన్ లో రంగస్థలం వంటి బ్లాక్ బస్టర్ తరువాత తయారవుతున్న మూవీ పుష్ప. ఇందిలో కంప్లీట్ డీగ్లామరైజ్ రోల్ ని అల్లు అర్జున్ ప్లే చేస్తున్నాడు.

ఈ మూవీలో రగ్డ్ షేప్ రోల్ లో అల్లు అర్జున్ చేసే పెర్ఫార్మెన్స్ అదుర్స్ అన్నట్లుగా ఉంది. తాజాగా ఈ మూవీ నుంచి విడుదల అయిన ఒక సాంగ్ అయితే ఫ్యాన్స్ కి భలే నచ్చేసిందిట. సామీ నా సామీ అంటూ రష్మిక అదరగొట్టేసింది. మాస్ లుక్కులో కూడా ఈ అమ్మడు తెగ హుషార్ చేస్తోంది. ఇక అల్లు అర్జున్ ఆమె తో కలసి వేసిన వేసిన స్టెప్పులు కూడా కిర్రెక్కించేలా ఉన్నాయి.

ఇక దేవీ శ్రీ ప్రసాద్ మ్యూజిక్ అయితే ఫోక్ లైన్ లోనే సాగింది. ఒక విధంగా రంగమ్మ‌ సాంగ్ ని మళ్ళీ గుర్తు చేస్తోంది. ఆ సాంగ్ లో సమంత రామ్ చరణ్ పోటీ పడ్డారు. ఇపుడు పుష్పలో అలాంటి సీన్ కోసమే ఈ సాంగ్ కోరి మరీ సుక్కూ రెడీ చేయించారనుకోవాలి. ఇక ఈ మధ్య తమన్ నుంచి గట్టి పోటీ ఎదుర్కొంటున్న దేవీకి పుష్ప మూవీ చాలెంజి అనే చెప్పాలి. ఈ బిగ్ ప్రాజెక్ట్ ని టేకప్ చేసిన దేవీ తనను మరోమారు ప్రూవ్ చేసుకోవాలనుకుంటున్నాడు.

అందుకే మాస్ బీట్ తో అదరగొట్టేశాడు. అయితే సామీ సాంగ్ వేరేగా వినడానికి బాగా ఉన్నా రంగమ్మ మంగమ్మ మాస్ బీట్ మాదిరిగా చెలరేగిపోతుందా అంటే వెయిట్ అండ్ సీ అనే చెప్పాలి. ఫస్ట్ టైమ్ వింటే సాదాగా అనిపించినా వినగా వినగా మాత్రం పుష్పను ఎక్కడికో తీసుకుపోగల దమ్ము ఈ సాంగ్ కి ఉందేమో అనిపిస్తోంది. మొత్తానికి చూస్తే పుష్ప మూవీలో దేనికదే అన్నట్లుగా దేవీశ్రీ సాంగ్స్ రెడీ చేసి పెట్టాడు. ఇక సుక్కూ మార్క్ డైరెక్షన్ లో సామీ సాంగ్ ఇరగదీస్తుందని ఫ్యాన్స్ అయితే గట్టిగా నమ్ముతున్నారు.