మ‌ల్లెపూల‌తో బొండుమ‌ల్లె కీకి!

క‌దులుతున్న కారో - ఆటోనో .. ఏదైతేనేం .. ట‌పీమ‌ని దిగి ఆ క‌దులుతున్న వాహ‌నం వెంటే వెర్రెత్తించే స్టెప్పులేస్తూ .. వీడియో షూట్ చేసి ఆన్‌ లైన్‌ లో పెట్టే ట్రెండ్‌ ని కికి ఛాలెంజ్ అని పిలుస్తున్నారు. మొత్తానికి ఈ పిచ్చి పీక్స్‌ కి చేరింది. పిచ్చి ముదురితే బ్ల‌డీ మెంట‌ల్ అన్న చందంగా ఉందీ వ్య‌వ‌హారం. ఇప్ప‌టికే ప‌లువురు క‌థానాయిక‌ల కికి చాలెంజ్ డ్యాన్సులు అంతర్జాలాన్ని వేడెక్కిస్తున్నాయ్‌.

ఇదిగో ఇప్పుడు రెజీన వంతు వ‌చ్చింది. ఇన్నాళ్లు అస‌లు ఈ అమ్మ‌డు క‌నిపించకుండా మ‌టుమాయ‌మైందేం! అని తెగ ఇదైపోతున్న యూత్‌ కి చ‌క్కిలిగింత‌లు పెడుతూ అదిరిపోయే లుక్‌ లో ద‌ర్శ‌న‌మిచ్చింది. మ‌ల్లెపూల చెండును జెడ నిండా తురిమి - జారుతున్న కోక రైక‌తో రెజీన కికి స్టెప్పులు ఇర‌గ‌దీసింది. జారే ప‌విట కొంగును సైతం లెక్క చేయ‌క కార్‌ లోంచి ఒక్క ఉదుటున దిగేసిన రెజీన మ‌తిచెడే స్టెప్పుల‌తో క‌ళ్లు తిప్పుకోనివ్వ‌ని జాన‌త‌న‌మే చూపించింది. నిమిషం పాటు సాగిన ఈ ఛాలెంజింగ్ డ్యాన్స్‌ లో రెజీనా హావ‌భావాలు కుర్ర‌కారులో గుబులు పుట్టించ‌డం ఖాయం. అలా డ్యాన్స్ చేస్తున్న‌ప్పుడు చేతి గాజుల శ‌బ్ధం .. పొలం గ‌ట్టుపైనుంచి వీచే పిల్ల‌గాలి చ‌ప్పుడు .. అబ్బో మైమ‌రిపిస్తాయంతే. చివ‌రిలో ఫినిషింగ్ ఇస్తూ రెజీనా ఇచ్చిన స్మైల్ మైండ్ బ్లోయింగ్‌!! డౌట్ గా ఉంటే మీరే ఈ వీడియో చూడండి..