మెగా హీరో ఆ ఇద్ద‌రినీ ఫిక్స్ చేశాడ‌ట‌

వేచి చూసే ఓపిక ఉండాలి కానీ.. ప్ర‌తి ఒక్క‌రికీ మంచి రోజులొస్తాయ‌న్న మాట‌ని సినిమా ఇండ‌స్ట్రీ గ‌ట్టిగా న‌మ్ముతుంటుంది. అలా ఎంతోమంది త‌మ జీవితాల్ని చ‌క్క‌బెట్టుకున్నారు కూడా. ఇప్పుడు ఆ విష‌యాన్ని మ‌రోసారి నిరూపిస్తున్నారు రెజీనా - లావ‌ణ్య త్రిపాఠిలాంటి క‌థానాయిక‌లు. లావణ్య త్రిపాఠికి ఆరంభంలో పెద్ద‌గా క్రేజ్ లేదు. అందాల రాక్ష‌సి - దూసుకెళ్తా లాంటి సినిమాలు ఆమె కెరీర్‌ కి పెద్ద‌గా ప్ల‌స్ కాలేదు. దీంతో కొన్నాళ్లపాటు ఇండ‌స్ట్రీలో క‌నిపించ‌లేదు. ఇక ఆమె కెరీర్‌ కి పుల్‌ స్టాప్ ప‌డిన‌ట్టే అని భావించారంతా. కానీ లావ‌ణ్య మాత్రం వేచి చూసింది. ఆచితూచి మంచి అవ‌కాశాల్ని ప‌ట్టే ప్ర‌య‌త్నం చేసింది. భ‌లే భ‌లే మ‌గాడివోయ్ త‌ర్వాత ఆమె సుడి తిరిగిపోయిన‌ట్టైంది. ఇప్పుడు చేతిలో బోలెడు సినిమాల‌తో బిజీ.

రెజీనాదీ అదే ప‌రిస్థితి. ఆమెకి త‌ర‌చుగా ఫ్లాపులు ఎదుర‌వుతున్నాయి. అయినా స‌రే... టెన్ష‌న్ ప‌డ‌కుండా ఎప్ప‌టిక‌ప్పుడు మంచి అవ‌కాశాల్ని చేజిక్కించుకొనేందుకు ప్ర‌య‌త్నిస్తోంది. తాజాగా ఈ ఇద్ద‌రూ మ‌రో మెగా ఆఫ‌ర్‌ ని చేజిక్కించుకొన్న‌ట్టు తెలిసింది. సాయిధ‌ర‌మ్ తేజ్ క‌థానాయ‌కుడిగా గోపీచంద్ మ‌లినేని ద‌ర్శ‌క‌త్వంలో తెర‌కెక్క‌నున్న కొత్త చిత్రంలో ఇద్ద‌రు క‌థానాయిక‌ల‌కి చోటుంద‌ట‌. ఆ అవ‌కాశాన్ని రెజీనా - లావ‌ణ్య త్రిపాఠి చేజిక్కించుకొన్నార‌ని తెలిసింది. చుర క‌త్తుల్లాంటి ఇద్ద‌ర‌మ్మాయిల‌తో సాయిధ‌ర‌మ్ తేజ్ రొమాన్స్ చేస్తాడ‌న్నమాట‌.