హిట్లు లేకనే ఈ గ్లామర్‌ డోస్‌?!

రెజీనా కసాండ్రా ఈ మధ్య మామూలుగా రెచ్చిపోవడం లేదు. టాలీవుడ్ లో ఎక్స్ పోజింగ్ డోసు సాధారణంగానే ఎక్కువగా ఉంటుంది. దాన్ని కూడా దాటిపోయి విచ్చలవిడిగా అందాల ప్రదర్శన చేసేస్తోంది. ఆ మధ్య ఓ మేగజైన్ లో ఫోటో షూట్ చేసిన ప్రభావమే ఏమో చెప్పలేం కానీ.. అక్కడి నుంచి తెగ కష్టపడిపోతోంది.

ఓ సారి కంప్లీట్ క్లీవేజ్ చూపించి అందాలు ఆరేస్తోంది.. ఇంకోసారి విండోస్ లాంటి డ్రస్ తో సందడి చేసింది. మరోసారి జల్లెడ లాంటి డ్రస్ తో.. ఒళ్లంతా కనిపించేలా చూపించింది. ఇప్పుడేదో మొత్తం కప్పుకుందని అనుకుందామంటే.. ఎంచక్కా బొడ్డుకి బెత్తెడు కిందకు బాటమ్ కట్టింది. ఇక్కడ అందాల ప్రదర్శన అంత కొత్తేం కాదు కానీ.. మరీ ఈ రేంజ్ లో అంటే మాత్రం కొత్త విషయమే. ఏదో బాలీవుడ్ లో అయితే ఇలాంటి అల్టిమేట్ స్కిన్ షోలు కనిపిస్తూ ఉంటాయంతే. ఆ కల్చర్ ని ఇక్కడికి తెద్దామని అనుకుంటోందని కొందరంటున్నారు కానీ.. అసలు విషయం వేరే ఉంది. ఈ మధ్య రెజీనాకి పెద్దగా కలిసొచ్చిందేమీ లేదు.

సాయిధరం తేజ్ తో నటించిన సుబ్రమణ్యం ఫర్ సేల్ ఒక్కటే పర్లేదని అనిపించుకున్న మూవీ. అది తప్ప కొంతకాలంగా హిట్ అన్న మాట మైలున్నర దూరంలోనే ఉండిపోయింది. తాజాగా మంచు మనోజ్ సరసన చేసిన శౌర్య పరిస్థితి కూడా అంతే సంగతులు. అందుకే తన గ్లామర్ ని పబ్లిక్ చేసేస్తూ.. పబ్లిక్ లో ఎక్కువగా నానుతోంది రెజీనా కసాండ్రా.