రెడ్ హాట్ ఫోటోషూట్ లో రెజీనా.. ఇంత‌లోనే గెస్ట్ ఎంట్రీ!

చెన్న‌య్ చంద్రం రెజీన క‌సాండ్ర కెరీర్ జ‌ర్నీ గురించి తెలిసిందే. సుధీర్ బాబు స‌ర‌స‌న‌ ఎస్.ఎం.ఎస్ చిత్రంతో క‌థానాయికగా ప‌రిచ‌య‌మైంది.. త‌ర్వాత‌ రొటీన్ ల‌వ్ స్టోరి అనే చిత్రంలో న‌టించింది. ఆ త‌ర్వాత డైరెక్ట్ గా మెగా కాంపౌండ్ లో సాయి ధ‌ర‌మ్ స‌ర‌స‌న అవ‌కాశం అందుకుంది. పిల్లా నువ్వు లేని జీవితం త‌న‌కు బిగ్ బ్రేక్ ఇచ్చింది.

ఆ త‌ర్వాత సాయి ధ‌మ‌ర్ తేజ్ తోనే వ‌రుస‌గా ప‌లు చిత్రాల్లో న‌టించింది. కెరీర్ గ‌మ‌నంలోనే ప్రేమాయ‌ణం అంటూ ప్ర‌చార‌మైంది. ఆ త‌ర్వాత తెలుగులో ఆశించిన‌న్ని ఆఫ‌ర్లు లేవు. అటుపై మాతృప‌రిశ్ర‌మ కోలీవుడ్ కి జంప్ అయిపోయింది. తెలుగులో అడ‌పాద‌డ‌పా మాత్ర‌మే ఛాన్సులు వ‌స్తుండ‌డంతో ఇరుగు పొరుగు భాష‌ల్లోనే ప్ర‌య‌త్నిస్తోంది. అ! - 7- ఎవ‌రు వంటి చిత్రాల్లో న‌టించింది. వీటిలో అడివి శేష్ స‌ర‌స‌న న‌టించిన ఎవ‌రు బ్లాక్ బ‌స్ట‌ర్ అయినా కానీ ఆ త‌ర్వాత పెద్ద అవ‌కాశాలేవీ రాలేదు. అడ‌పాద‌డ‌పా సోష‌ల్ మీడియాల్లో మెరుపులాంటి ఫోటోల‌తో అభిమానుల‌ను అల‌రిస్తున్న రెజీనా తాజాగా రెడ్ హాట్ ఫోటోని షేర్ చేయ‌గా అది వైర‌ల్ గా మారింది.

ప్ర‌ఖ్యాత కెన్నెల్స్ క్యాలెండ‌ర్ కోసం ఫోటోషూట్ ఇద‌ని రెజీనా వెల్ల‌డించింది. ఇదిగో ఇలా డిఫ‌రెంట్ బ్యాక్ గ్రౌండ్ లో సోఫా సెట్ పై ఎరుపు రంగు మిరుమిట్ల‌ దుస్తుల్లో కెమెరాకు ఫోజులిచ్చింది. ఈలోగానే ఆ సోఫా ఎక్కిన కుక్క‌ను అలా ప్రేమ‌గా లాలిస్తోంది రెజీనా. అది కూడా స్పాట్ లో క్లిక్ మంది. ఇది కేవ‌లం యాధృచ్ఛిక‌మా లేక అలా కావాల‌నే సెట్ చేసినదా? అన్న‌దానికి రెజీనాయే స‌మాధాన‌మివ్వాల్సి ఉంటుంది.

ఇక రెజీన ప్ర‌స్తుత‌ కెరీర్ సంగ‌తిని చూస్తే.. మెగాస్టార్ ఆచార్య‌లో రెజీనా ఓ పాట‌లో మెరుపులా మెరుస్తుంద‌ని ప్ర‌చార‌మ‌వుతోంది. అయితే దీనికి సంబంధించిన అధికారిక స‌మాచారం ఏదీ లేదు. అలాగే `నేనా నా` అనే మ‌రో తెలుగు చిత్రానికి సంత‌కం చేసింద‌ని తెలిసింది. ఇప్ప‌టికిప్పుడు త‌మిళంలో ఐదు సినిమాలు చేస్తోంది ఈ బ్యూటీ. ప్ర‌స్తుతం ఇవ‌న్నీ నిర్మాణ ద‌శ‌లోనే ఉన్నాయి. క‌ళ్ల‌పార్ట్-క‌స‌డ త‌ప‌ర‌- శూర్పంగ‌ణై చిత్రాలు సెట్స్ పై ఉన్నాయి.