స్టార్ హీరోయిన్ కళ కొట్టొచ్చేసిందిగా

నెమ్మ‌ది నెమ్మ‌దిగా ఒక్కో మెట్టు ఎక్కుతోంది చెన్నయ్‌ సోయగం రెజీనా కసాండ్రా. ఆరంభం చిన్నా చిత‌కా సినిమాల‌తో ల‌క్ చెక్ చేసుకుంది. సినిమాలు యావ‌రేజ్‌ లు అయినా త‌నకి పేరొచ్చింది. హీరోల స్థాయి చిన్న‌ది కాబ‌ట్టి రెజీన గ్లామ‌ర్ వ‌ల్లే ఆడింద‌ని ప్ర‌శంస‌లొచ్చాయి. ఎస్ ఎంఎస్‌ - రొటీన్ ల‌వ్‌ స్టోరీ - కొత్త జంట వంటి సినిమాల‌తో బ్లాక్‌ బ‌స్ట‌ర్లు కొట్టేయ‌క‌పోయినా ఆ సినిమాల‌కు సూట‌బుల్ హీరోయిన్‌ గా పేరు తెచ్చుకుంది. స‌రిగ్గా ఇదే టాక్‌ మెగా క్యాంపులో వ‌రుస‌గా అవ‌కాశాలు తెచ్చిపెట్టాయంటే అతిశ‌యోక్తి కాదు.

అల్లు శిరీష్‌ తో కొత్త జంట చిత్రంలో న‌టించాక సాయిధ‌ర‌మ్ తేజ్ స‌ర‌స‌న వ‌రుస‌గా రెండు సినిమాల్లో అవ‌కాశాలు అందుకుంది. పిల్లా నువ్వులేని జీవితం చిత్రంతో బ్లాక్‌ బ‌స్ట‌ర్ కొట్టి ఇప్పుడు వ‌రుస‌గా రెండో ప్ర‌య‌త్నంలోనూ పెద్ద స‌క్సెస్ అందుకుంది. సాయిధ‌ర‌మ్ స‌ర‌స‌న న‌టించిన సుబ్ర‌హ్మ‌ణ్యం ఫ‌ర్ సేల్ హిట్ అన్న టాక్ రావ‌డంతో రెజీన టైమ్ స్టార్ట‌యిన‌ట్టే ఇక అని అంతా ముచ్చ‌టించుకుంటున్నారు. వ‌రుస‌గా హిట్లు కొడుతోంది. పైగా సుబ్ర‌హ్మ‌ణ్యం సినిమాలో రెజీనా గ్లామ‌ర్ - న‌ట‌నాభిన‌యం ఆక‌ట్టుకున్నాయ‌న్న చ‌ర్చ త‌న‌కి బాగా క‌లిసొస్తుంది.

చిట్టి పొట్టి డ్రెస్సుల్లో క‌నిపించినా , ప‌ద్ధ‌తైన చీర‌లో క‌నిపించినా అవ‌న్నీ ఈ అమ్మ‌డికి పెద్ద అస్సెట్ అయ్యాయి. అందుకే రెజీనాలో స్టార్‌ హీరోయిన్‌ కళ కొట్టొచ్చేసింది. ర‌కూల్‌ - రాశీ ఖ‌న్నా త‌ర‌హాలోనే ఈ అమ్మ‌డు కూడా రేసులో దూసుకుపోవ‌డం ఖాయం అని చ‌ర్చ సాగుతోంది. ముఖ్యంగా సుబ్ర‌హ్మ‌ణ్యంతో రొమాన్స్ పండించ‌డంలో, ముద్దు స‌న్నివేశాల్లో ఈ అమ్మ‌డు యూత్‌ ని స్పెల్ బౌండ్ చేసేసింది. పాట‌ల్లోనూ మెరుగైన డ్యాన్సుల‌తో ఆక‌ట్టుకుంది. రెజీనా.. కొట్టేశావు పో.