సౌఖ్యం పోయింది.. శౌర్య అయినా??

చెన్నై భామ అయినా అక్కడ కలిసి రాకపోవడంతో.. టాలీవుడ్ రెజీనా చాలా ఆశలు పెట్టుకుంది. ఇక్కడ గట్టిగానే ప్రయత్నాలు సాగిస్తోంది. యాక్టింగ్ విషయంలో మంచి మార్కులు కూడా కొట్టేసింది. అయితే పేరు తెచ్చే ఓ మంచి హిట్ మాత్రం ఇప్పటివరకూ సాధించలేకపోయింది రెజీనా.

మొదట గ్లామర్ రోల్స్ రాకపోవడంతో.. పెర్ఫామర్ గానే తగిన గుర్తింపు సంపాదించుకుంది. ఆ రూట్ అంతగా క్లిక్ కాకపోవడంతో.. ఇప్పుడు రెజీనా తన స్టైల్ మార్చి గ్లామర్ డోస్ పెంచింది. ఒకవైపు డ్యాన్సుల్లోనూ ప్రావీణ్యత సంపాదించి, ఎక్స్ పోజింగ్ బాట కూడా పట్టింది. ప్రస్తుతం మంచు మనోజ్ సరసన శౌర్య చిత్రంలో కూడా గ్లామర్ ని బాగానే పండిస్తోందీ భామ. థ్రిల్లింగ్ లవ్ స్టోరీగా తెరకెక్కుతున్న ఈ మూవీపై అంచనాలు ఎక్కువగానే ఉన్నాయి. ప్రతీ ఫ్రేమ్ లోనూ డైరెక్టర్ తనను కొత్తగా చూపించాడని మనోజ్ చెబ్తున్నాడు. రీసెంట్ గా సౌఖ్యం నిరాశపర్చడంతో.. ఇప్పుడు శౌర్యపై ఆశలు పెట్టుకుంది రెజీనా.

శౌర్యకు మిస్టర్ పర్ఫెక్ట్ లాంటి బ్లాక్ బస్టర్ తీసిన దశరథ్ డైరెక్టర్ కావడంతో.. ఎక్స్ పెక్టేషన్స్ బాగా ఉన్నాయి. మరోవైపు మాస్ ఎంటర్టెయినర్స్ తో అలరించే మనోజ్ ఇప్పుడు క్లాస్ చిత్రాలు తీసే దశరథ్ దర్శకత్వంలో చేయడం కూడా ఇంట్రెస్టింగ్ పాయింట్ గా చెప్పాలి. లవ్ యాక్షన్ థ్రిల్లర్ గా తెరకెక్కుతున్న ఈ మూవీ షూటింగ్ దాదాపుగా పూర్తయిపోయింది. ప్రకాష్ రాజ్, సుధ ప్రధాన పాత్రలు పోషించారు.