ప్రేమమ్‌ కోసం రెజీనా దిగిందా??

అక్కినేని నాగ‌చైత‌న్య ప్ర‌స్తుతం ప్రేమ‌మ్ రీమేక్‌ లో న‌టిస్తున్న సంగ‌తి తెలిసిందే. ఈ సినిమాలో ముగ్గురు క‌థానాయిక‌లు చైతూ స‌ర‌స‌న ఆడిపాడుతున్నారు. శ్రుతిహాస‌న్‌ - అనుప‌మ ప‌ర‌మేశ్వ‌ర‌న్‌ ప్ర‌ధాన నాయిక‌లు. అయితే అత‌డు ఆమె మ‌ధ్య‌లో ఈమె అన్న‌ట్టు ఓ థ‌ర్డ్ హీరోయిన్ కావాలి. అందుకోసం చాలా కాలంగా చాలామంది ముద్దుగుమ్మ‌ల్ని జ‌ల్లెడ‌ప‌డుతూనే ఉన్నారు ద‌ర్శ‌కుడు చందు మొండేటి. కానీ ఆ మూడో హీరోయిన్ రోల్‌ కి ఎవ‌రూ సూట్ కావ‌డం లేదు.

చివ‌రికి ఈ క్యారెక్ట‌ర్‌ లో రోగ్ ఫేం ఐషా శ‌ర్మ (పూరీ డిస్క‌వ‌రీ) క‌థానాయిక‌గా న‌టిస్తుంది అంటూ ప్ర‌చార‌మైంది. కానీ ఇప్పుడు ఐషా శ‌ర్మ‌ని రెజీన కాస‌నాండ్ర రీప్లేస్ చేస్తోంద‌ని టాక్‌. ప్రేమ‌మ్ ఓ అంద‌మైన ప్రేమ‌క‌థా చిత్రం. ఓ కుర్రాడు త‌న లైఫ్‌ లో ఎంత‌మంది తో ల‌వ్‌ లో పడ్డాడ‌న్న ఇంట్రెస్టింగ్ థీమ్‌ తో తెర‌కెక్కుతోంది. ఇందులో రెజీన క్యారెక్ట‌ర్ చాలా ఇంట్రెస్టింగ్‌ గా ఉంటుంది. రెండుసార్లు బ్రేకప్‌ అయ్యాక చైతూను ఫైనల్‌ గా పెళ్ళిచేసుకునే క్యారెక్టర్‌ రెజీనాది. కాని ఈ అమ్మడి ఎంట్రీపై ఇంతవరకు టీమ్‌ స్పందించలేదు. ఒకవేళ ప్రేమమ్‌ రీమేక్‌ లో చేస్తుంటే మాత్రం.. రెజీనాకు కూడా ఇది పెద్ద బ్రేక్‌ అనే చెప్పాలి.