రెజీనా ఇల్లెందుకు కొన్లేదంటే?!

అయినా క‌థానాయిక‌ల‌కి ఇంటితో అవ‌స‌రం ఏముంటుందండీ? సినిమా జ‌రిగిన‌న్ని రోజులు ఎంచ‌క్కా నిర్మాతే హోట‌ల్ బిల్లులు క‌ట్టేస్తాడు. అది కూడా ఫైవ్ స్టార్ రేంజి హోటల్స్‌లోనే బ‌స ఏర్పాటు చేస్తారు. అక్క‌డే ఫుడ్డు, అక్క‌డే బెడ్డు. చిటికేస్తే కావ‌ల్సిన‌వ‌న్నీ ద‌గ్గ‌రికొచ్చేస్తాయి. స్పా మొద‌లు జిమ్ వ‌ర‌కు స‌క‌ల సౌక‌ర్యాల‌న్నీ అక్క‌డే ఉంటాయి. అలాంట‌ప్పుడు ఇక ఇల్లెందుకు....? చెన్నై చిన్న‌ది రెజీనా కూడా స‌రిగ్గా ఇలాగే ఆలోచించింది. అందుకే ఇల్లు కొనే స్థోమ‌త ఉన్నా ఆ దిశ‌గా అస్స‌లు ఆలోచించ‌డం లేద‌ట‌. అంతే కాదు... ఇంటి విష‌యంలో త‌న స్ట్రాట‌జీని మీడియా ముందు స్వ‌యంగా వెల్ల‌డించింది. ఆమె మాట‌లు విన్న మీడియా జ‌నాలు రెజీనాకి తెలివి తేట‌లు ఎక్కువేనండోయ్ అని మాట్లాడుకొన్నారు. ఇంత‌కీ `రెజీనా ఇల్లు కొనుక్కోవ‌చ్చు క‌దా` అని అడిగిన ప్ర‌శ్న‌కు ఆమె ఏం స‌మాధానం చెప్పిందో తెలుసా?

“ఇప్ప‌టికే బోలెడ‌న్ని టెన్ష‌న్లు. అవి చాల‌వ‌న్న‌ట్టు ఇంటి టెన్ష‌న్ కూడానా. ఇల్లు కొనుక్కోవ‌డమంటే చిన్న వ్య‌వ‌హార‌మేమీ కాదు. ఆమాట‌కొస్తే కొన‌డం కూడా పెద్ద స‌మ‌స్యేం కాదు. కొన్నాకే వ‌స్తాయి అస‌లు స‌మ‌స్య‌లు. ఫోన్ బిల్ల‌నీ - కరెంటు బిల్ల‌నీ - స‌ర్వెంట్ల జీతాల‌నీ - గ్యాస‌నీ - స‌రుకుల‌నీ... బాబోయ్ ఆ టెన్ష‌న్లు అస్స‌లు ప‌డ‌ద‌ల‌చుకోలేదు. హోట‌ల్‌ లో ఉంటే ఇలాంటి గోల‌లేవీ ఉండ‌వు`` అని చెప్పేసింది రెజీనా. ఆ మాట‌లు వినేస‌రికి మీడియా జ‌నాలు అవాక్క‌య్యారు. ఇంటి క‌ష్టాలు రెజీనా ఇంత బాగా చెప్పేసిందేంటి? ఎంతైనా తెలుగు సినిమా నీళ్ల మ‌హ‌త్య‌మే వేరు... అని మాట్లాడుకోవ‌డం క‌నిపించింది.