నారా రోహిత్.. అవసరాలతో రెజీనా..

నారా రోహిత్ ఇప్పుడు మంచి జోరు మీదున్నాడు. గత వారంలో నారా వారబ్బాయి నటించిన తుంటరి విడుదల కాగా.. మరో పది రోజుల్లో సావిత్రిని విడుదలకు సిద్ధం చేశాడు. వరుసగా సినిమాలు చేస్తూ జోరు చూపించడమే కాదు.. ప్రతీ సినిమాకి వేరియేషన్ చూపిస్తూ.. అభిమానులను ఆకట్టుకుంటున్నాడు ఈ హీరో. హిట్ - ఫ్లాపులతో సంబంధం లేకుడా.. దాదాపు పది సినిమాలు క్యూలో పెట్టేసిన నారా రోహిత్.. ఇప్పుడు మరో మూవీ షూటింగ్ స్టార్ట్ చేసేశాడు.

శ్రీనివాస్ అవసరాల దర్శకత్వంలో నారా రోహిత్ ఓ మూవీ చేసేందుకు ఒప్పుకున్నాడు. జ్యో అచ్యుతానంద టైటిల్ పై రూపొందే ఈ చిత్రాన్ని వారాహి చలన చిత్రం బేనర్ పై రూపొందించనున్నారు. ఈ మూవీలో నారా రోహిత్ కు జంటగా రెజీనా కసాండ్రా హీరోయిన్ గా నటిస్తోంది. నారా వారబ్బాయితో రెజీనాకి ఇది రెండో సినిమా కావడం విశేషం. గతంలో శంకర చిత్రంలో ఈ హీరోతో కలిసి నటించిన రెజీనా.. ఇప్పుడు మరోసారి జట్టుకడుతోంది.

జ్యో అచ్యుతానంద మూవీలో నాగశౌర్య ఓ కీలక పాత్రలో కనిపించనున్నాడు. ప్రస్తుతం అన్ని పనులు పూర్తయిపోవడంతో.. త్వరలో షూటింగ్ ప్రారంభించుకునేందుకు జ్యో అచ్యుతానంద సిద్ధమవుతోంది. మొత్తానికి శ్రీనివాస్ అవసరాలతో కలిసి.. నారా రోహిత్ ని జో కొట్టేందుకు రెజీనా రెడీ అవుతోంది.