ఆనందం రేఖ ఇంకా ట్రై చేస్తోందా?

ఓ పదిహేనేళ్ల క్రితం అనుకుంటా.. ఆనందం అని ఓ మూవీ వచ్చింది. ఆకాష్, రేఖ జంటగా నటించిన ఈ మూవీకి... శ్రీను వైట్ల డైరెక్టర్. అంతకు ముందు రవితేజతో నీకోసం ఫ్లాప్ అవడంతో... రామోజీరావు ఇచ్చిన సెకండ్ ఛాన్స్.. వైట్లకి లైఫ్. ఆనందం సినిమా చూసినవాళ్లు రేఖని మర్చిపోవడం చాలా కష్టం. ఎందుకంటే... హీరోని అన్ని తిట్లు తిడుతుంది మరి.

ఇలా ఓ సినిమాలో హీరో హీరోయిన్లు తిట్టుకోవడం... తెలుగు ఇండస్ట్రీలో ఇదే ఫస్ట్ టైం. అయితే.. తొలి ప్రయత్నంలోనే ఇంతటి హిట్ వచ్చినా.. క్రేజ్ సరిగా ఉపయోగించుకోలేక... తెలుగులో నిలదొక్కుకోలేదు రేఖ. కన్నడలో మాత్రం పెద్ద పెద్ద సినిమాలే చేసిందిలెండి. అయితే ఓ ఏడాదిగా మాత్రం ఎవరూ ఛాన్స్ ఇవ్వడం లేదు రేఖకి.

ఇంక ఈ అమ్మడిపని అయిపోయినట్లే అని శాండల్ వుడ్ జనాలు కూడా ఫిక్స్ అయిపోవడంతో.. మళ్లీ ఛాన్సుల కోసం ఐడియా వేసింది రేఖ. హాట్ హాట్ గా ఓ ఫోటో షూట్ చేసి ఆన్ లైన్ లో పెట్టేసింది. రకరకాల డ్రెస్సుల్లో తను ఎలా ఉంటుందో చూపించింది. పొట్టి నిక్కర్ల నుంచి చీరకట్టు వరకూ అన్నీ చూపించింది. అంటే ఏ కేరక్టరైనా చేస్తానంటూ ఇన్ డైరెక్టుగా చెప్పడం అన్నమాట. ఈ చూపించేదేదో ముందే చూపించి ఉంటే.. పరిస్థితి ఇంతవరకూ రాదు కదా. ఇప్పటికే లేట్ అయినట్టుంది రేఖ.