రేణుతోనే డ్యాన్స్.. భలే ఉందే

పవర్ స్టార్ మాజీ భార్య రేణూ దేశాయ్ సోషల్ మీడియాలో ఎప్పుడూ హాట్ టాపిక్ గానే ఉంటుంది. తన విశేషాలతో పాటు.. కుటుంబం సంగతులను చెబుతూ.. పవన్ పిల్లుల అయిన అకీరా.. ఆద్యల ఫోటోలను పోస్ట్ చేస్తూ.. సామాజిక విశేషాలపై రియాక్ట్ అవతూ రేణూ నిరంతరం సోషల్ మీడియాలో యాక్టివ్ గానే ఉంటుంది.

అయితే.. పెళ్లి తర్వాత సినిమాలకు దూరంగా ఉంటున్న ఈమె.. రీసెంట్ గా ఓ చిత్ర నిర్మాణం చేపట్టింది కానీ సక్సెస్ చూడలేకపోయింది. ఇప్పుడు టీవీ మాధ్యమం ద్వారా ప్రేక్షకుల ముందుకు వస్తోంది రేణూ దేశాయ్. స్టార్ మా ఛానల్ లో "నీతోనే డ్యాన్స్" అనే ప్రోగ్రామ్ కు హోస్ట్ గా వ్యవహరించనున్న సంగతి గతంలో చెప్పుకున్నాం. ఇప్పుడీ కార్యక్రమానికి సంబంధించిన టీజర్ ను అఫీషియల్ గా రిలీజ్ చేసింది ఆ ఛానల్. రేణూ దేశాయ్ కు విషెస్ చెబుతూ రిలీజ్ చేసిన ఈ ప్రోమో అందరినీ ఆకట్టుకుంటోంది. హిందీలో సూపర్ హిట్ గా నిలిచిన నాచ్ బలియే డ్యాన్స్ షో కార్యక్రమానికి నీతోనే డ్యాన్స్ తెలుగు వెర్షన్ గా చెప్పచ్చు.

హిందీలో మాధురీ దీక్షిత్ ఈ కార్యక్రమానికి జడ్జ్ గా వ్యవహరించగా.. తెలుగులో రేణూ దేశాయ్ కు ఈ అవకాశం ఇవ్వడం విశేషం. ప్రస్తుతం ప్రైమ్ టైంలో టెలికాస్ట్ అవుతున్న బిగ్ బాస్ కార్యక్రమం పూర్తి కాగానే.. అదే స్లాట్ లో ఈ నీతోనే డ్యాన్స్ ను ప్రారంభించే అవకాశాలు ఉన్నాయి. ఇప్పటికే రిలీజైన షో తాలూకు పోస్టర్లో రేణు ను చూస్తే.. భలే ఉందే అనక మానరు.