రేణూని ఆట‌ప‌ట్టించేసిన చిలిపి న‌టవార‌సులు..!

రేణుదేశాయ్ సోష‌ల్ మీడియాలో ఎంత యాక్టివ్ గా ఉంటారో చెప్పాల్సిన ప‌నిలేదు. సంద‌ర్భం ఏదైనా.. ఎలాంటిదైనా స‌రే ప్ర‌తీ విష‌యాన్ని అభిమానుల‌తో ఎంతో ఉత్సాహంగా పంచుకుంటారు. పవ‌న్ క‌ళ్యాణ్ తో బ్రేక‌ప్ త‌ర్వాత ఆ ఉత్సాహం మ‌రింత ఎక్కువైంది. తరుచూ కుటుంబానికి సంబంధించిన విష‌యాల‌తో పాటు.. ప‌వ‌న్ వ్య‌క్తిగ‌త విష‌యాల్ని కూడా అభిమానుల‌కు చేరే వేసే ప్ర‌య‌త్నం చేస్తున్నారు. ఇక పండ‌గ‌లు.. ప‌బ్బాలు స‌మ‌యంలో రేణు దేశాయ్ అప్ డేట్స్ చాలా ఫాస్ట్ గా ఉంటాయి. తాజాగా కృష్ణాష్ట‌మిని పుర‌స్క‌రించుకుని పిల్ల‌ల‌తో చేసిన సంద‌డి గురించి చెప్పుకొచ్చారు.

నేను లంచ్ చేస్తోన్న స‌మ‌యంలో అకీరా.. ఆద్య నా త‌ల‌పై పూల‌తో ఇలా డెక‌రేట్ చేసే ప‌నిలో బిజీగా ఉన్నారు!! అంటూ ఓ ఫోటోని షేర్ చేసి క్యాప్ష‌న్ ఇచ్చారు. దీనిపై ప‌వ‌న్ అభిమానులు.. రేణు దేశాయ్ ఫ్యాన్స్ కామెంట్లు గుప్పించారు. గ‌తంలో ప‌వ‌న్ అభిమానులు రేణు దేశాయ్ పై నెగిటివ్ కామెంట్లు ఎక్కువ‌గా పోస్ట్ చేసిన‌ప్ప‌టికీ ఇప్పుడు అలాంటి వాటికి దూరంగా ఉంటూ ప‌వ‌న్ సూచ‌న‌లు.. స‌ల‌హాలు పాటిస్తున్నారు. త‌మ‌లోని ప‌వ‌నిజాన్ని పైకి తీసుకొచ్చే ప్ర‌య‌త్నం చేస్తున్నారు. ఆ విష‌యాలు ప‌క్క‌న‌బెడితే రేణు దేశాయ్ ప్ర‌స్తుతం పూణే లో ఉంటున్నారు. పిల్ల‌లిద్ద‌రు కూడా త‌న వద్దనే ఉంటున్నారు. హైద‌రాబాద్ ఇండ‌స్ట్రీతోనూ రేణు త‌న అనుబంధాన్ని కొన‌సాగిస్తున్న సంగ‌తి తెలిసిన‌దే. ఇక కిడ్స్ అల్ల‌రి వేషాల్ని రేణు బాగానే ఆస్వాధిస్తున్నారు.

రేణు ద‌ర్శ‌కురాలిగా కూడా ట‌ర్న్ అయిన సంగ‌తి తెలిసిందే. మ‌రాఠీలో `ఇష్క్ వాలా ల‌వ్` చిత్రం తెర‌కెక్కించి విమ‌ర్శ‌కుల ప్ర‌శంస‌లందుకున్నారు. కెరీర్ ప‌రంగా ద‌ర్శ‌కురాలిగా బిజీ అయ్యే ప్ర‌య‌త్నాల్లో ఉన్నారు. అవ‌కాశం వ‌స్తే తెలుగులోనూ సినిమాలు డైరెక్ట్ చేస్తాన‌ని ప‌లు ఇంట‌ర్వ్యూల్లో వెల్ల‌డించారు. రేణు దేశాయ్ తొలుత న‌టిగా ప‌రిచ‌య‌మైన సంగ‌తి తెలిసిందే. `బద్రి`..`జానీ` చిత్రాల్లో ఆ ఇద్ద‌రూ జంట‌గా నటించారు.