జానీ సినిమాను రీమేక్ చేస్తుందట

పవన్ కళ్యాణ్ కెరీర్లో అతి పెద్ద డిజాస్టర్ ఏదంటే.. మరో మాట లేకుండా ‘జానీ’ పేరు చెప్పేయొచ్చు. ‘ఖుషి’ లాంటి బ్లాక్ బస్టర్ తర్వాత పవన్ అభిమానులు భారీ అంచనాలతో ఉంటే.. ఆ అంచనాలన్నింటినీ తలకిందులు చేసింది ‘జానీ’. ఐతే ఈ డిజాస్టర్ మూవీని రీమేక్ చేయాలని కోరుకుంటోంది పవన్ మాజీ భార్య రేణు దేశాయ్. ఎవరైనా రీమేక్ అనగానే ఒక సూపర్ హిట్ సినిమా మీద దృష్టిపెడతారు. రేణు మాత్రం ‘జానీ’ని రీమేక్ చేయాలని కోరుకోవడం ఆశ్చర్యమే. ఐతే అందుకు కారణాలు లేకపోలేదంటోంది రేణు.

‘జానీ’ ఒరిజినల్ స్క్రిప్టు ప్రకారం తీసిన సినిమా కాదంటోంది రేణు. అసలు కథ ప్రకారం ఈ చిత్రంలో చివరికి హీరో చనిపోతాడట. ఐతే తెలుగు ప్రేక్షకులకు విషాదాంతాలు నచ్చవన్న భయంతో స్క్రిప్టును మార్చేశారట. ఐతే ఒరిజినల్ స్క్రిప్టు ప్రకారం సినిమా తీసి ఉంటే అది కచ్చితంగా ఆడేదని అంటోంది రేణు. కుదిరితే ఆ సినిమాను అదే విధంగా రీమేక్ చేయాలని భావిస్తున్నట్లు రేణు చెప్పింది. ‘జానీ’ సినిమాలో రేణునే హీరోయిన్ అన్న సంగతి తెలిసిందే. ఆమె ఆ సినిమాకు దర్శకత్వ విభాగంలోనూ పని చేసింది. ఆమె మరాఠీలో స్వీయ దర్శకత్వంలో ఒక సినిమా కూడా తీసింది. ఐతే అది అట్టర్ ఫ్లాప్ అయింది. మరి ‘జానీ’ లాంటి అట్టర్ ఫ్లాప్ మూవీని రేణు రీమేక్ చేయాలనుకోవడం విడ్డూరమే.

Like Us on Facebook : https://www.facebook.com/Tupakidotcom/