రిపబ్లిక్ డే స్పెషల్.. వణికిస్తున్న జాంబీయాస్ పోస్టర్!

వినూత్న చిత్రాలను తెరకెక్కించే దర్శకుడు ప్రశాంత్ వర్మ లేటెస్ట్ మూవీ.. 'జాంబీ రెడ్డి'. తేజ సజ్జా, దక్ష, ఆనంది ప్రధాన పాత్రలు పోషిస్తున్న ఈ మూవీ.. తెలుగులోనే మొదటి జాంబీ ఫిల్మ్‌గా రాబోతోంది. ఈ సినిమాను యాపిల్ ట్రీ బ్యానర్‌పై రాజశేఖర్ వర్మ నిర్మిస్తున్నారు. టైటిల్‌తోనే ఆసక్తిని రేకెత్తించిన ఈ సినిమా మోషన్ పోస్టర్‌కు అదిరిపోయే రెస్పాన్స్ వచ్చింది.

అ, కల్కి.. చిత్రాల తర్వాత ప్రశాంత్ వర్మ తెరకెక్కిస్తోన్న చిత్రం 'జాంబీ రెడ్డి'. మనిషి మేధాశక్తి వల్ల చేసిన పొరపాట్లకు దేవుడు ఏ విధంగా గుణపాఠం చెప్పబోతున్నాడనే కాన్సెప్ట్‌తో ఈ సినిమా తెరకెక్కింది. పోస్ట్ ప్రొడక్షన్ వర్క్ కూడా ఫినిష్ చేసుకున్న ఈ సినిమా.. ఫిబ్రవరి 5న థియేటర్లలోకి రాబోతోంది.

కాగా.. రిపబ్లిక్ డే సందర్భంగా రిలీజ్ చేసిన పోస్టర్ కూడా ఆడియన్స్ ను అటెన్షన్ చేసింది. ఈ పోస్టర్లో.. చుట్టూ ఉన్న జాంబియాస్ నడుమ ఉన్న తేజా అండ్ బ్యాచ్.. భయంతో, టెన్షన్ తో వణికిపోతోంది. కర్నూలు నేపథ్యంలో వస్తున్న ఈ చిత్రంలో రఘుబాబు, పృథ్వీ రాజ్, గెటప్ శ్రీను, హర్ష వర్ధన్, హేమంత్ తదితరులు కీలక పాత్రలు పోషించారు. ఈ చిత్రానికి మార్క్ కె రాబిన్ సంగీతం అందించారు.