జిరాక్స్‌ కాపీ కెరీర్‌ యూటర్న్‌

త్రిషకు జిరాక్స్‌ కాపీలా కనిపిస్తోంది. ఇక టాలీవుడ్‌ని ఏలేయడం ఖాయం అనుకున్నారంతా. కానీ బొమ్మ బొరుసయ్యింది. అనుకున్నది జరగలేదు. బండి రివర్సు గేర్‌లో పడింది. తెలుగమ్మాయి, ఈరోజుల్లో ఫేం రేష్మ కెరీర్‌ అనూహ్యంగా యూటర్న్‌ తీసుకుంది. ఈ భామ తెలుగులో అనుకున్నంత రేంజుకి ఎదగలేకపోయింది. ఓవర్‌ ఎక్స్‌పోజింగ్‌, సెక్స్‌పోజింగ్‌కి దూరంగా ఉండడం వల్ల రేసులో దూసుకెళ్లలేకపోయింది. ఏదేమైనా ప్రస్తుతం మల్లూవుడ్‌, కోలీవుడ్‌లో అదృష్టం పరీక్షించుకుంటోంది. నేటివిటీ టచ్‌తో నేచురల్‌ క్యారెక్టర్లతో పొరుగు భాషల్లో ఈ అమ్మడిని ఎంకరేజ్‌ చేస్తున్నారు.

ఇటీవలే మలయాళ చిత్రం అప్పావుమ్‌ వీంజమ్‌లో నటించింది. ఇప్పుడు తమిళంలో 'అదగపట్టాదు మగజనగాలే' అనే సినిమాలో నటించడానికి రెడీ అవుతోంది. ఇనబశేఖర్‌ ఈ చిత్రానికి దర్శకత్వం వహిస్తున్నాడు. తంబి రామయ్య తనయుడు ఉమాపతి హీరోగా నటిస్తున్నాడు. ఈ చిత్రంలో రేష్మ ఓ బోల్డ్‌ క్యారెక్టర్‌లో నటిస్తోంది. తనో కరాటే ఫైట్‌ మాష్టర్‌లా ఫీలయ్యే పాత్రలో చేస్తోంది. దానికోసం కాస్త కరాటే ఫీట్స్‌ కూడా నేర్చుకుంటోంది. ఈ సంగతులన్నీ రేష్మ స్వయంగా చెప్పుకొచ్చింది. తెలుగు నుంచి తమిళ్‌కి వెళ్లిన తెలుగమ్మాయిలు బిందుమాధవి, శ్రీదివ్య, ఆనందిని (రక్షిత) రేంజులో ఈ భామ కూడా పాపులర్‌ అవుతుందేమో చూడాలి.