దెయ్యంపిల్ల‌గా.. జ‌బ‌ర్ధ‌స్త్ చారుశీల

దెయ్యాల సినిమాల ట్రెండ్ న‌డుస్తోందిప్పుడు. పెద్ద పెద్ద స్టార్లే దెయ్యం ప‌ట్టి ఊగిపోయే క్యారెక్ట‌ర్ల‌లో న‌టించేస్తున్నారు. న‌య‌న‌తార‌ - త్రిష లాంటి నాయిక‌లే హార‌ర్ జోన‌ర్‌ ని ఎంపిక చేసుకుని న‌టించేస్తున్నారు. జ్యోతిక‌ - అంజ‌లి - స్వాతి - హ‌న్సిక - ల‌క్ష్మి రాయ్ ఇలాంటి భామ‌లంతా హార‌ర్ సినిమాల్లో న‌టించి పేరు తెచ్చుకున్నారు. హార‌ర్ జోన‌ర్‌ కి అలుపన్న‌దే లేదు. ఎక్స్‌ పెయిరీ డేట్ లేనేలేదు. అందుకే వ‌రుస‌గా హారర్ సినిమాల్ని తెర‌కెక్కించే ద‌ర్శ‌కులు పుట్టుకొస్తున్నారు.

ఇలాంటి క‌థ‌లు చెప్పే ద‌ర్శ‌కుల్ని ఎంక‌రేజ్ చేస్తూ న‌వ‌త‌రం న‌టీమ‌ణులు కూడా సై అనేస్తున్నారు. దెయ్యం క్యారెక్ట‌ర్‌ లో న‌టించేందుకు త‌మ‌కి ఎలాంటి అభ్యంత‌రం లేద‌ని చెబుతున్నారు. అదే కోవ‌లో ఇప్పుడు జ‌బ‌ర్ధ‌స్త్ పోరీ రేష్మి కూడా వెళుతోందిప్పుడు. ఈ అమ్మ‌డు ఇటీవ‌లి కాలంలో త‌మిళంలో ఓ సినిమాలో క‌థానాయిక‌గా న‌టించింది. అలాగే ప్ర‌వీణ్ స‌త్తారు ద‌ర్శ‌క‌త్వంలో గుంటూర్ టాకీస్ అనే చిత్రంలో న‌టించింది. ఈ మూవీ త్వ‌ర‌లో రిలీజ్‌ కి రానుంది. ఈలోగానే జ‌బ‌ర్ధ‌స్త్ పోరీ ని మ‌రో అవ‌కాశం వ‌రించింది. మొన్ననే ఓ కొత్త సినిమా సైన్‌ చేసిందని చెప్పుకున్నాంగా.. ఇంతకీ ఆ సినిమా ఏంటో తెలుసా?

ఈసారి హార‌ర్ జోన‌ర్ సినిమా చేస్తోంది రేష్మి. టైటిల్ చారుశీల‌. ఇటీవ‌లే సినిమా ప్రారంభోత్స‌వం జ‌రిగింది. ఈ సంగ‌తిని రేష్మి స్వ‌యంగా చెప్పింది. వైజాగ్ కి చెందిన దివాక‌ర్ ఈ చిత్రానికి ద‌ర్శ‌క‌త్వం వ‌హిస్తున్నాడు. వైజాగ్ కుర్రాడే హీరోగా కూడా న‌టిస్తున్నాడు... అని డీటెయిల్డ్‌ గా చెప్పింది. మీది వైజాగే - మాది వైజాగే అన్న త‌ర‌హాలో ఈ సినిమాకి ఓకే చెప్పింద‌న్న‌మాట‌!