ఆ డైలాగులో తప్పేముందంటున్న రష్మి

మొదట్లో సీరియళ్లు చేస్తూ.. సినిమాల్లో చిన్న చిన్న పాత్రలు చేస్తూ ఉండేది రష్మి గౌతమ్. కానీ ‘జబర్దస్త్’ షోలో హాట్ హాట్ లుక్స్ లోకి మారాక రష్మి ఇమేజే మారిపోయింది. ఆమె ఆ తర్వాత సినిమాల్లోనూ బోల్డ్ క్యారెక్టర్లు చేయడం మొదలుపెట్టింది. ముఖ్యంగా ‘గుంటూరు టాకీస్’లో రష్మి అందాల ప్రదర్శన కుర్రాళ్ల మతులు పోగొట్టింది. తాజాగా ‘నెక్స్ట్ నువ్వే’ సినిమాలోనూ ఆమె హాట్ లుక్స్ ఆకట్టుకున్నాయి. ఐతే ఈ సినిమాలో రష్మి చెప్పిన ఓ డైలాగ్ చర్చనీయాంశమైంది. ‘‘నీకు గడ్డివాము దగ్గర కుక్క గురించి తెలుసా.. అది తినదు.. వేరే వాళ్లను తిననివ్వదు’’ అంటుంది రష్మి ఈ సినిమాలో.

ట్రైలర్లోనే చర్చనీయాంవమైన ఈ డైలాగ్ సినిమా విడుదలయ్యాక మరింతగా హాట్ టాపిక్ అయింది. రష్మి ఈ డైలాగ్ చెప్పే తీరు.. ఆ సీన్ అభ్యంతరకరంగా ఉన్నాయంటూ కొందరు అభ్యంతరాలు వ్యక్తం చేస్తున్నారు. దీనిపై రష్మి స్పందించింది. ఈ డైలాగులో అశ్లీలత ఏముందని ఆమె ప్రశ్నించింది. తానేమీ ఈ డైలాగ్ చెబుతూ అర్ధ నగ్న దుస్తుల్లో కనిపించలేదని.. పద్ధతిగా చీర కట్టులోనే ఉన్నానని.. దీన్నెందుకు ఇంత వివాదం చేస్తున్నారు.. ఈ డైలాగుకే రభస చేస్తున్నారు అని ప్రశ్నించింది రష్మి. ఈ మధ్య సినిమాల్లో ఇంతకంటే చాలా బూతు సన్నివేశాలు చూపిస్తున్నారని.. అలాంటిది ఒక డైలాగ్ గురించి వివాదాలు రేపడం కరెక్ట్ కాదని రష్మి అంది.