హాట్‌ యాంకరమ్మకు లక్కు చిక్కేనా?

జబర్దస్త్ తో మంచి పొజిషన్ లోనే ఉన్నా.. రష్మీ గౌతమ్ కలలు మాత్రం ఇంకా నెరవేరలేదు. సినిమాల్లో వెలిగిపోదామని ఇండస్ట్రీలోకి వచ్చినా.. ఇంకా ఆశలు తీరే రోజు రాలేదు. జబర్దస్త్ కి అనసూయ హ్యాండ్ ఇవ్వడంతో.. తప్పనిసరి పరిస్థితుల్లోనే రష్మీని తెచ్చుకున్నారన్నది ఓపెన్ సీక్రెట్.

రష్మీ హీరోయిన్ గా చేసిన మొదటి సినిమా "ధ్యాంక్స్". 2006లో మొదలైన ఈ సినిమా రిలీజ్ కాలేదు లెండి. ఆ తర్వాత తెలుగు - హిందీ - కన్నడ - తమిళ్ భాషల్లో సినిమాలు చేసింది. అంకె అయితే చెప్పుకోదగ్గట్లుగానే ఉంటుంది కానీ.. కెరీర్ కి పనికొచ్చేది మాత్రం ఒఖటి కూడా లేదు. రీసెంట్ గా ప్రతిభావంతుడైన దర్శకుడిగా పేరు పొందిన ప్రవీణ్ సత్తారు డైరెక్షన్ లో "గుంటూరు టాకీస్ " అనే సినిమా చేసింది రేష్మి.

గోడల మీద పోస్టర్స్ పడ్డాయి. "పాలు లేవూ" అంటూ రష్మీ హడావిడి చేసే ఓ మేకింగ్ వీడియో ఇచ్చి రచ్చ చేశారు మేకర్స్. ఇంత చేసినా.. 4 నెలలుగా ఈ మూవీ రిలీజ్ కి మోక్షం కలగలేదు. కనీసం న్యూస్ లో కూడా గుంటూరు టాకీస్ ఎక్కడా వినిపించడం లేదు. అంటే ఇది కూడా అటకెక్కేసినట్లే అనుకుంటున్నారు. ఇప్పుడు రేష్మీ హీరోయిన్ గా కొత్త హీరో, కొత్త డైరెక్టర్లతో ఓ మూవీ మొదలైంది. కనీసం ఈ సినిమా అయినా.. రేష్మీని టాలీవుడ్ హీరోయిన్ చేస్తుందేమో చూడాలి.