చిరు.. ఎన్టీఆర్.. లను బన్నీ మించుతాడా

డీజే-దువ్వాడ జగన్నాధం ఫస్ట్ లుక్ కి వస్తున్న రెస్పాన్స్ సూపర్బ్ గా ఉంది. బన్నీ పక్కా బ్రాహ్మిన్ గెటప్ లో కనిపించనున్నాడని తెలిసినా.. ఆ రోల్ లో ఒదిగిపోయిన తీరు మాత్రం అందరికీ బాగా నప్పేసింది. ఓ అగ్రహారంలో స్కూటర్ పై కూరలు పట్టుకెళుతున్న అల్లు అర్జున్ లుక్ చాలామందిని మెప్పించేసింది.

డీజే మూవీలో బన్నీ పూర్తి స్థాయిలో ఇదే గెటప్ లో కనిపించనున్నాడనే టాక్ ఉంది. గతంలో కూడా స్టార్ హీరోలు ఇలాంటి రోల్స్ చేశారు. అదుర్స్ మూవీలో ఎన్టీఆర్ రెండు పాత్రలు చేస్తే.. వాటిలో చారి పాత్ర- దానికి ఎన్టీఆర్ ప్రత్యేకమైన మాడ్యులేషన్.. బ్రహ్మాండమైన క్రేజ్ సంపాదించుకున్నాయి. చిరంజీవి కూడా ఇలాంటి కేరక్టర్ వేశారు. ముగ్గురు మొనగాళ్లు చిత్రంలో.. మూడు పాత్రలలో ఒకటి ఇలాంటిదే. అలాగే మైకేల్ మదన కామరాజు చిత్రంలో కమల్ హాసన్ నాలుగు రోల్స్ వేస్తే.. వాటిలో ఒకటి సాంప్రదాయ బ్రాహ్మణుడిదే.

కమల్.. చిరు.. జూనిర్ ఎన్టీఆర్.. వీరంతా కూడా బాగా మెప్పించారు కానీ.. ఆ రోల్ మూవీలో ఓ స్పెషల్ పార్ట్ అంతే. కానీ డీజే సంగతి అలా కాదు. లీడ్ రోల్ నే బ్రాహ్మిన్ చేసిన రాసుకున్న కథ అనే టాక్ ఉంది. మరి ఈ పాత్రతో హరీష్ శంకర్ ఎలాంటి స్టాంప్ వేయనున్నాడు.. బన్నీ ఏ రేంజ్ లో కామెడీ పంచనున్నాడో తెలియాలంటే.. ఇంకొన్నాళ్లు వెయిట్ చేయాల్సిందే.

Like Us on Facebook : https://www.facebook.com/Tupakidotcom/