ఆ క్రేజ్‌ రాలేదయ్యా బన్నీ

ఇప్పుడు ఒకవేళ స్టయిలిష్‌ స్టార్‌ అల్లు అర్జున్‌ కొత్త సినిమా గురించి ఫ్యాక్చువల్స్‌ మాట్లాడుకుంటే.. ఒక్క విషయం మాత్రం మనం గుర్తుపెట్టుకోవాలి. అదేంటంటే.. ''సరైనోడు'' సినిమా ఫస్టు లుక్‌ తాలూకు టాక్‌ గురించే. పదండి చూద్దాం.

ఈ మధ్య కాలంలో కొన్ని సినిమాల ఫస్టు లుక్‌ పోస్టర్లకు విపరీతమైన క్రేజు వచ్చేస్తున్నాయి. ఆ రోజు నుండే సినిమా మీద అంచనాలు పెరిగిపోతున్నాయి. ఉదాహరణకు బాహుబలి - శ్రీమంతుడు - నాన్నకు ప్రేమతో.. కొన్ని ఉదాహరణలు. ఎప్పుడైతే ఫస్టు లుక్‌ వచ్చిందో.. అప్పటి నుండి సినిమా గురించి గుసగుసలు పెరిగి హైప్‌ ఎక్కువయ్యి.. తొలిరోజు భారీ ఓపెనింగ్‌ వచ్చింది. కాని 'సరైనోడు' పోస్టర్‌ కు మాత్రం ఆ రేంజు క్రేజు రాలేదు.

చాలారోజుల తరువాత ఒక పక్కా మాస్‌ డైరక్టర్‌ బోయపాటి శ్రీనుతో సినిమా చేస్తున్నాడంటే.. ఏదో కొత్తగా ఉంటుందని అనుకున్నారు కాని.. ఫస్టు లుక్‌ పోస్టర్‌ మాత్రం కాస్త రొటీన్‌ గానే ఉంది. అభిమానులకు కిక్కిచ్చినా కూడా.. మిగిలిన ఆడియన్స్‌ కు మాత్రం ఎక్కలేదట. ఇది పబ్లిక్‌ టాక్‌.