క్వీన్ రీమేక్ లో రేవతి, సుహాసిని

మూడేళ్ల క్రితం బాలీవుడ్ లో వచ్చిన క్వీన్ మూవీ ఎన్నో రికార్డులను, మరెన్నో ప్రశంసలను దక్కించుకుంది. కంగనా రనౌత్ కు స్టార్ స్టేటస్ అందించిన ఈ సినిమాను.. సౌత్ లోకి రీమేక్ చేయనున్నారు. ఈ మూవీని తెలుగు, తమిళ భాషల్లో నిర్మించనుండగా.. దీనికి సీనియర్ నటి రేవతి దర్శకత్వం వహించనున్నారు. ఇప్పటికే 'మిత్ర్ - మై ఫ్రెండ్' - 'ఫిర్ మిలేంగే' వంటి చిత్రాలకు డైరెక్షన్ చేసిన రేవతి.. ఈ క్వీన్ రీమేక్ ను కూడా హ్యాండిల్ చేయనున్నారు. త్యాగరాజన్ నిర్మించనున్న క్వీన్ రీమేక్ కు.. సీనియర్ నటి - సుహాసిని తెలుగు - తమిళ భాషల్లో మాటలు రాస్తుండడం విశేషం.

పెళ్లికి ముందు రోజున వివాహం ఆగిపోతే.. ముందుగా హనీమూన్ కోసం బుక్ చేసుకున్న టికెట్లపై, వెకేషన్ కి వెళ్లిన అమ్మాయి కథే ఈ క్వీన్. పారిస్ టూర్ లో ఆమె ఎదుర్కున్న పరిస్థితులు, తనలో వచ్చే మార్పు, కొత్త పరిచయాలు, ఆ తర్వాత పెళ్లి రద్దు చేసుకున్న వ్యక్తి వచ్చి సారీ అడగడం.. చివరకు క్షమించమని అడగడం, హీరోయిన్ తిరస్కరించడం,.. ఇదీ స్టోరీ లైన్. ప్రధానంగా అభిమానం గల అమ్మాయిల కేరక్టర్ ని బేస్ చేసుకున్న స్టోరీ కావడంతో.. ఏ భాషలో అయినా క్లిక్ అవుతుందనే అంచనాలున్నాయి.

ఇప్పటికే ఈ మూవీకి సంబంధించి ఫస్ట్ హాఫ్ వర్క్ ను సుహాసిని పూర్తి చేశారట. మరికొన్ని నెలల్లో సెకండాఫ్ కూడా ఫినిష్ చేస్తారని తెలుస్తోంది. ఈ ఏడాది అక్టోబర్ - నవంబర్ లలో ఈ మూవీ షూటింగ్ స్టార్ట్ చేయాలని అనుకుంటుండగా.. ఇంకా యాక్టర్స్ ని ఫైనలైజ్ చేయలేదు.