ట్రైలర్: ఆర్జీవీ హాట్ మార్షల్ ఆర్ట్స్ 'అమ్మాయి' వచ్చేసింది..!

సంచలన దర్శకుడు రామ్ గోపాల్ వర్మ దర్శకత్వంలో తెరకెక్కిస్తున్న లేటెస్ట్ మూవీ ''లడకీ''. 'ఎంటర్ ది గర్ల్ డ్రాగన్' అనేది దీనికి ట్యాగ్ లైన్. ఇండో-చైనీస్ జాయింట్ వెంచర్ గా రూపొందిన ఈ చిత్రాన్ని డిసెంబర్ 10న ప్రపంచ వ్యాప్తంగా విడుదల చేయనున్నారు. చైనాలో 'డ్రాగన్ గర్ల్' అనే పేరుతో రిలీజ్ అవుతున్న ఈ మూవీ.. తెలుగులో ''అమ్మాయి'' అనే టైటిల్ తో ప్రేక్షకుల ముందుకు రాబోతోంది.

ఇటీవల విడుదల చేసిన హిందీ - చైనీస్ ట్రైలర్లు సినిమాపై ఆసక్తిని కలిగించాయి. ఈ నేపథ్యంలో శుక్రవారం తెలుగు వెర్షన్ ''అమ్మాయి'' ట్రైలర్ ను మేకర్స్ ఆవిష్కరించారు. ఇండియాలోని ఫస్ట్ ఫిమేల్ మార్షల్ ఆర్ట్స్ ఎక్స్పర్ట్ పూజా భాలేకర్ ఈ సినిమాతో హీరోయిన్ గా పరిచయం అవుతోంది. మార్షల్ ఆర్ట్స్ హీరో బ్రూస్ లీ స్ఫూర్తితో ఫైటర్ గా మారిన ఓ యువతి జీవితంలో చోటుచేసుకున్న సంఘటన సమూహారమే ఈ సినిమా అని తెలుస్తోంది.

యాక్షన్ తో పాటుగా ఆర్జీవీ తర్వాత లవ్ - రొమాన్స్ వంటి కుర్రకారుని ఊర్రూతలూగించే మసాలా అంశాలన్నీ 'అమ్మాయి' సినిమాలో ఉన్నట్లు ట్రైలర్ చూస్తే అర్థం అవుతుంది. పూజా భలేకర్ ఫైటర్ గా ఓ వైపు ఫైట్స్ తో అదరగొడుతూనే.. మరోవైపు అదే స్థాయిలో అందాలను ఆరబోస్తోంది. ఇప్పటికే విడుదలైన పుజా ఫొటోలు - వీడియోలు సోషల్ మీడియాలో సంచలనం రేపగా.. ఇప్పుడు ట్రైలర్ నెట్టింట హీట్ పెంచేసింది.

''అమ్మాయి'' ఇండియాలోనే ఫస్ట్ రియలిస్టిక్ మార్షల్ ఆర్ట్స్ మూవీ అని రామ్ గోపాల్ వర్మ పేర్కొన్నారు. బ్రూస్ లీ 'ఎంటర్ ది డ్రాగన్' సినిమా స్పూర్తితో ఆర్జీవీ ఈ చిత్రాన్ని రూపొందిస్తున్నారు. ఇందులో యాక్షన్ సీక్వెన్స్ ను పూజా భలేకర్ - వర్మ కలిసి డిజైన్ చేశారు. రవి శంకర్ - డీఎస్ఆర్ ఈ చిత్రానికి సంగీతం సమకూర్చగా.. మాలహార్ భట్ జోషి సినిమాటోగ్రఫీ అందించారు. చైనాకు చెందిన బిగ్ పీపుల్ సంస్థతో కలిసి ఆర్ట్ సి మీడియా - పారిజాత మూవీ క్రియేషన్స్ సంయుక్తంగా ఈ చిత్రాన్ని నిర్మించాయి.