ఆర్జీవీ ఫ‌న్! ఇంకా హీరోయిన్ల భ‌విష్య‌త్ ఏంటో?

రామ్ గోపాల్ వ‌ర్మ అలియాస్ ఆర్జీవీలో ఫ‌న్ ఎలిమెంట్ గురించి ఎంత చెప్పినా త‌క్కువే. స్పాంటేనియస్ గా పంచ్ లు వేయడం ఆయ‌న ప్ర‌త్యేక‌త‌. అత‌డు తెర‌కెక్కించిన చాలా సినిమాల్లో ఫ‌న్ అలానే వ‌ర్క‌వుటైంది. ఆయ‌న‌కు ఎలా దొరికిందో కానీ.. ఓ ఆడియో ఈవెంట్ పాత వీడియో క్లిప్ ఒక‌టి దొరికింది. ఈ వీడియోలో యంగ్ టైగ‌ర్ ఎన్టీఆర్ .. అక్కినేని అఖిల్ మ‌ధ్య ప‌రాచికం ఎంతో ఫ‌న్ ని క్రియేట్ చేస్తోంది.

ఆ ఈవెంట్లో స్టేజీ వ‌ద్ద ఫ్రంట్ లైన్ లో తార‌క్ - అఖిల్ ప‌క్క‌ప‌క్క‌నే కూచుని ఉన్నారు. తార‌క్ ఏదో మాట్లాడుతూ అఖిల్ తొడ భాగంపై ఒక్క గిల్లు గిల్లాడు. దానికి అఖిల్ ఎంతో సిగ్గు ప‌డిపోతున్నాడు. ఈ ఫ‌న్నీ వీడియో ని తాజాగా ఇన్ స్టాలో షేర్ చేశారు ఆర్జీవీ. దీనికి త‌న‌దైన శైలిలో రొమాంటిక్ ట్యాగ్ లైన్ కూడా ఇచ్చారు.

``ఇంక హీరోయిన్ల భ‌విష్య‌త్ ఏంటి? హీరోయిన్ల విష‌యంలో చాలా విచారం ఫీల‌వుతున్నా..సో శాడ్`` అంటూ శాడ్ నెస్ ఈమోజీల్ని ఆశ్చర్యం వ్య‌క్త‌ప‌రిచే ఈమోజీల్ని షేర్ చేశారు ఆర్జీవీ. ప్ర‌స్తుతం వ‌ర్మ గారి పుణ్య‌మా అని ఈ త్రోబ్యాక్ వీడియో అంత‌ర్జాలంలో వైర‌ల్ గా మారింది.

త‌న సినిమాల్లో న‌టించే క‌థాయిక‌ల‌తో వేదిక‌లెక్కి డ్యాన్సులేయ‌డం.. ఫోటోషూట్ల పేరుతో ఘాటైన శృంగార ర‌సాత్మ‌క ఫోటోల‌ను షేర్ చేయ‌డం.. హ‌గ్ చేసుకుని ముద్దులాడేస్తూ ఆ ఫోటోలు వీడియోల్ని వైర‌ల్ చేయ‌డం.. జుత్తుకు హెయిర్ బ్యాండ్ తో మార్ఫ్ డ్ ఫోటోల్ని షేర్ చేయ‌డం .. ఇలాంటి వెర్రివేషాలేనా? అప్పుడ‌ప్పుడు ఇలా కొత్త‌గా కొన్ని ఉంటాయ‌ని ఆర్జీవీ నిరూపిస్తున్నారు అంటూ అభిమానులు రివ‌ర్స్ పంచ్ లు వేస్తున్నారు.