ఆర్జీవీ మిస్సింగ్ : వ‌ర్మ మ‌ళ్లీ ప‌వ‌న్ ని వ‌ద‌ల‌డం లేదే!

ఆర్జీవీ ఎవ్వ‌రినీ ప్ర‌శాంతంగా వుండ‌నివ్వ‌డం లేదు. ఎప్పుడు ఎవ‌రిని గిల్లితే ర‌చ్చ అవుతుందో వారినే గిల్లిన చోట గిల్లీ గిల్లీ మ‌రీ అల్ల‌రి అల్ల‌రి చేస్తున్నాడు. ఇటీవ‌ల ప‌వ‌ర్‌ స్టార్ ప‌వ‌న్‌ క‌ల్యాణ్‌ ని టార్గెట్ చేస్తూ `ప‌వ‌ర్ ‌స్టార్` మూవీని వ‌దిలి ర‌చ్చ చేసిన వ‌ర్మ అదీ చాల‌ద‌న్న‌ట్టు మ‌ళ్లీ ప‌వ‌న్‌ ని త‌న కిడ్నాప్ డ్రామాలోకి లాగాడు. వ‌ర్మ న‌టిస్తున్న చిత్రం `ఆర్జీవీ మిస్సింగ్‌`. ఈ మూవీ ఫ‌స్ట్‌ లుక్ పోస్ట‌ర్‌ని శ‌నివారం వ‌ర్మ రిలీజ్ చేసిన విష‌యం తెలిసింతే.

ఈ సినిమాతో ముగ్గురిని టార్గెట్ చేశాడు వ‌ర్మ‌. ప‌వ‌న్‌ తో పాటు చంద్ర‌బాబు నాయుడు,.. నారా లోకేష్ ‌ల‌ని త‌న కిడ్నాప్ ‌కి కీల‌క స‌స్పెక్ట్ ‌లుగా పేర్కొంటూ సంచ‌ల‌నానికి తెర‌లేపాడు. త‌న‌ని ఇన్నోసెంట్ ‌గా ప్ర‌క‌టించుకుని స‌స్పెక్టెడ్ లిస్ట్ ‌ని పె్టేశాడు. ఇందులోకి పీకే ఫ్యాన్స్‌ ని కూడా లాగ‌డంతో `ఆర్జీవీ మిస్సింగ్‌` పెద్ద ర‌చ్చే చేసేలా వుంది. తాజాగా ఆదివారం ఈ చిత్రానికి సంబంధించిన సెకండ్ లుక్‌ ని ఆదివారం రిలీజ్ చేశాడు.

స‌స్పెక్ట్ నంబ‌ర్ వ‌న్ గా ప‌వ‌న్ ని పేర్కొంటూ సెకండ్ లుక్‌ ని రిలీజ్ చేశాడు వ‌ర్మ‌. ఈ మూవీకి సంబంధించిన 3..,4..,5..,6..,7 లుక్స్‌ని వ‌రుస‌గా 5,...6,...7...,8,...9 తేదీల్లో రిలీజ్ చేస్తాడ‌ట‌. ఇక ఫైన‌ల్ ‌గా ట్రైలర్‌ ని ఈ నెల 10న సాయంత్రం 5 గంట‌ల‌కు రిలీజ్ చేస్తాడ‌ట‌.