ఫక్.. వయసైపోతోందా ఆర్జీవీ?

వివాదాల ఆర్జీవీ ఏం చేసినా ప్రత్యేకంగానే ఉంటుంది. ఏపీ ఎన్నికల సందర్భంగా తెలుగు దేశం పార్టీపై గురి చూసి బాణం విసిరేందుకు చాలానే ప్రయత్నించాడు. అన్నగారు ఎన్టీఆర్ కుటుంబంలో కలతలపై సినిమా తీసి సరిగ్గా ఎన్నికల ముందు రిలీజ్ చేయాలని ప్లాన్ చేయడం వెనక కారణాలపై తేదేపా వర్గాలు సీరియస్ గా ఉన్నాయి. లక్ష్మీస్ ఎన్టీఆర్ చిత్రం వివాదాల గురించి ఇప్పటికీ చర్చ సాగుతోంది. కోర్టుల పరిధిలోనూ ఆర్జీవీకి చుక్కెదురైంది. అదంతా అటుంచితే అతడు తదుపరి అమ్మ జయలలిత జీవితాన్ని పెద్దావిడకు ఆత్మ అయిన శశికళ కోణంలో తెరకెక్కించేందుకు స్క్రిప్టు రెడీ చేస్తున్న సంగతి తెలిసిందే. ఇటీవలే ఈ విషయాన్ని తన సామాజిక మాధ్యమాల ద్వారా ఆర్జీవీ ప్రకటించారు.

శశికళ అనే టైటిల్ ని రివీల్ చేశారు. ఆ మూవీ గురించి మాటా మంతీ సాగుతుండగానే మరో చిత్రం తెరకెక్కిస్తున్నానని నేడు ప్రకటించాడు. కోబ్రా అనే టైటిల్ ని ఆర్జీవీ సోషల్ మీడియాలో రివీల్ చేశారు. కోబ్రా అనే చిత్రంలో నటిస్తున్నా అంటూ నేడు తన బర్త్ డే సందర్భంగా రివీల్ చేయడంతో అభిమానుల్లో ఒకటే కన్ఫ్యూజన్ నెలకొంది. కోబ్రా లో నటుడు ఆయనే.. పైగా స్వీయ దర్శకత్వంలో తెరకెక్కిస్తున్నానని ప్రకటించాడు కాబట్టి ఇంతకీ కోబ్రా ఎవరై ఉంటారు? అంటూ సెటైర్లు పేల్తున్నాయి. ఇంతకీ ఆయన నిజంగానే తీస్తాడా.. అని అభిమానుల్లో చర్చ సాగుతోంది. నేటితో ఒక సంవత్సరం ఓల్డ్ అయిపోయానని కలతకు గురైన ఆర్జీవీ.. బర్త్ డే కేక్ కట్ చేస్తున్న డంపింగ్ ఫోటోని షేర్ చేశారు. `ఫక్ .. ఐ యామ్ వన్ మోర్ ఇయర్ ఓల్డర్` అని బాధ పడ్డారు.

వయసైపోతోందని బెంగ ఎందుకు ఆర్జీవీ. సంచలనాలకు కేరాఫ్ అడ్రెస్ గా నిలవాలంటే వయసుతో పనేం ఉంటుంది? మనసుండాలే కానీ గొడవకు అడ్డేం ఉంది? ఎప్పుడూ ఏదో ఒక వివాదాన్ని నెత్తికెత్తుకుంటే సరి. మునుముందు అలాంటి ప్లాన్స్ ఎలానూ ఉన్నాయి కాబట్టి.. మిమ్ము తలచి మీ అభిమానులు, మీడియా పదే పదే అదే పనిగా తరించడం ఖాయం.