చంద్రబాబు కంటతడిపై ఆర్జీవీ సెటైర్లు.. అదిరిపోలా?

టాలీవుడ్ లో వివాదాలకు కేరాఫ్ అడ్రస్ రాంగోపాల్ వర్మ. సమయం సందర్భానుసారం వర్మ వేసే ట్వీట్లు వైరల్ అవుతుంటాయి. సందర్భానికి తగ్గట్టుగా వర్మ పేల్చే డైలాగులు అదిరిపోతుంటాయి. తాజాగా ఏపీ అసెంబ్లీలో అవమానాలపై కంటతడి పెట్టిన చంద్రబాబు వీడియోను తీసుకొని తనదైన శైలిలో ఎడిట్ చేసి రాంగోపాల్ వర్మ సోషల్ మీడియాలో విడుదల చేశారు. అదిప్పుడు వైరల్ అయ్యింది. చంద్రబాబు కంటతడిపై వర్మ వేసిన సెటైర్లు అదిరిపోయాయి.

రాంగోపాల్ వర్మ ఎప్పుడూ ఏదో ఒక విషయంపై తనదైన శైలిలో ట్వీట్ చేస్తూ ఎండగడుతూనే ఉంటారు. ముఖ్యంగా ఏపీ పాలిటిక్స్ పై సినిమాలు చేయడమే కాకుండా రెగ్యులర్ గా అక్కడి రాజకీయాలపై వర్మ చేసే కామెంట్స్ వైరల్ అవుతుంటాయి.

తాజాగా ఈరోజు చంద్రబాబు ఏడ్చిన వీడియోను తనదైన స్టైల్లో ఎడిట్ చేసిన వర్మ ట్వీట్ చేశాడు. తను తాజాగా రిలీజ్ చేసిన 'ఆర్జీవీ మిస్సింగ్' ట్రైలర్ ప్రమోషన్ కు చంద్రబాబును ఎంచక్కా వాడేశాడు.

తన ఆర్జీవీ మిస్సింగ్ ట్రైలర్ చూసి టీడీపీ అధినేత చంద్రబాబు బోరున ఏడ్చారు అంటూ రాంగోపాల్ వర్మ సంచలన ట్వీట్ చేశారు. అంతేకాదు చంద్రబాబు ఏడ్చిన వీడియో నాకు ఆర్జీవీ మిస్సింగ్ ట్రైలర్ లింకును చెక్ చేసి మరీ తన ట్విట్టర్ లో పోస్ట్ చేశాడు వర్మ. ఈ ట్వీట్ చూసిన నెటిజన్లు ఫిదా అయిపోతున్నారు. అటు టీడీపీ ఫ్యాన్స్ మాత్రం వర్మ పై ఫైర్ అవుతున్నారు.