నా క‌ళ్ల‌ని న‌మ్మ‌లేక పోతున్నా

నిత్యం ఏదో ఒక అంశాన్ని త‌న‌కు అనుకూలంగా మ‌లుచుకుంటూ వార్త‌ల్లో నిల‌వ‌డం వ‌ర్మ‌కు వెన్న‌తో పెట్టిన విద్య‌. గ‌త కొంత కాలంగా ఇదే సూత్రాన్ని పాటిస్తూ వార్త‌ల్లో నిలుస్తున్నాడు.

ముంబై న‌టి పూజా బ‌లేక‌ర్ ప్ర‌ధాన పాత్ర‌లో రామ్ గోపాల్ వ‌ర్మ రూపొందించిన చిత్రం `ఎంట‌ర్ ద గ‌ర్ల్ డ్రాగ‌న్‌`. ఇదే చిత్రాన్ని `ల‌డ్‌కీ` పేరుతో రిలీజ్ చేసే ప‌నిలో బిజీగా వున్నారు వ‌ర్మ‌. ఈ మూవీ ప్ర‌మోష‌న‌ల్ కార్య‌క్ర‌మాల్లో బిజీగా వుంటూనే మ‌రో ప‌క్క ట్విట్ట‌ర్ వేదిక‌గా ఆస‌క్తిక‌ర ట్వీట్‌లు చేస్తూ వార్త‌ల్లో నిలుస్తున్నారు.

ఇటీవ‌ల `పుష్ప : ది రైజ్` అఫీషియ‌ల్ ట్రైల‌ర్ చూసి బ‌న్నీని పొగ‌డ్త‌ల్లో ముంచెత్తిన వ‌ర్మ అదే స‌మ‌యంలో అత‌నే సూప‌ర్ స్టార్ అని, త‌ను త‌ప్ప ఇలాంటి రియ‌లిస్టిక్ పాత్ర‌ని ప‌వ‌న్ క‌ల్యాణ్‌, మ‌హేష్ బాబు, చిరంజీవి, ర‌జ‌నీకాంత్ చేయ‌లేర‌ని తేల్చి చెప్పాడు. అంతే కాకుండా `పుష్ప‌` ఫ్ల‌వ‌ర్ కాదు ఫైర్ అని ట్రైల‌ర్ చివ‌ర్లో బ‌న్నీ చెప్పిన డైలాగ్‌తో ముగించి కొత్త వివాదానికి తెర తీశాడు.

ఈ ట్వీట్‌తో వ‌ర్మ సైలెంట్ అయిపోయాడ‌ని అంతా అనుకున్నారు కానీ గురువారం మార్ష‌ల్ ఆర్ట్స్ ప్రాక్టీస్ చేస్తున్న ఓ న‌టి ఫొటోని షేర్ చేసి ఈమె ఎవ‌రో చెప్ప‌లేని, గుర్తు ప‌ట్ట‌లేని వారికి ల‌క్ష రూపాలు ఇవ్వ‌న‌ని ట్వీట్ చేశారు.

ఆ త‌రువాత నాలుగు నిమిషాల‌కే తాను మంచు ల‌క్ష్మి అని రివీల్ చేసి `నేను ఇప్ప‌టికీ నా క‌ళ్ల‌ని నేను న‌మ్మ‌లేక పోతున్నాను. ఇది నువ్వేనా.. అన్న‌ట్టుగా ట్వీట్ చేశారు. ప్ర‌స్తుతం ఈ ట్వీట్ నెట్టింట వైర‌ల్‌గా మారింది, మంచు ల‌క్ష్మి ఏంటీ వున్న‌ట్టుంగా ఇలా మార్ష‌ల్ ఆర్ట్స్ చేస్తూ ఫొటోల‌కు పోజులివ్వ‌డం ఏంట‌ని ఆంతా ఆశ్చ‌ర్యంగా చూస్తున్నారు.