ఆర్జీవీ వాటీజ్ దిస్ హెల్?

వివాదాల ఆర్జీవీ బర్త్ డే సెలబ్రేషన్స్ నిన్నటి సాయంత్రం హైదరాబాద్ దసపల్లా పరిసరాల్లో ఓ పబ్ అండ్ రెస్టారెంట్ లో ఘనంగా జరిగాయి. మునుపెన్నడూ లేనట్టుగా ఈ వేడుకలకు ఆర్జీవీ ప్రత్యేకించి మీడియా ప్రతినిధుల్ని ఆహ్వానించారు. ఒక సంవత్సరం ఓల్డ్ అయిపోయా అంటూ నిన్నంతా ఎంతో కలతగా ఉన్న ఆర్జీవీ.. ఇక లాభం లేదనుకుని నటుడిగానూ రంగ ప్రవేశం చేయడం ఈ సందర్భంగా హాట్ డిబేట్ కి తావిచ్చింది. పైగా `కోబ్రా` అంటూ పోస్టర్ ని లాంచ్ చేశారు. ఈ సినిమాలో సీబీఐ అధికారిగా నటిస్తున్నానని .. పాము కంటే ప్రమాదకారి అయిన ఒక కోబ్రా లాంటి మనిషి కథను సినిమాగా తీస్తున్నానని ప్రకటించాడు.

నిన్నటిరేయి ఆర్జీవీ చిలౌట్ కి సంబంధించిన ఫోటోలేవీ ఇంకా అంతర్జాలంలోకి రాలేదు. అయితే గతంలో ఆర్జీవీ సెలబ్రేషన్స్ కి సంబంధించిన ఓ పాత ఫోటోని అభిమాని ఒకరు ఆర్జీవీకి ట్వీట్ చేశారు. హ్యాపి బర్త్ డే ఆర్జీవీ సర్ అంటూ ఆ ఫోటోని ట్వీట్ చేయడంతో అది కాస్తా ప్రస్తుతం సామాజిక మాధ్యమాల్లో జోరుగా వైరల్ అవుతోంది. ఈ ఫోటోలో ఆర్జీవీ డజను మంది మగువల మధ్య ఫుల్ చిలౌట్ మూడ్ లో కనిపించారు. ఓడ్కా .. మగువ లేనిదే లైఫ్ లో గమ్మత్తు ఏం ఉంటుంది? అని బహిరంగంగానే మాట్లాడే ఆర్జీవీ ఇదివరకూ ఇలా సెలబ్రేట్ చేసుకున్నారని అర్థమవుతోంది. రామ్ గోపాల్ వర్మ ఈ ఫోటోలో చుక్కల మధ్య చంద్రుడిలా ఒదిగిపోయారు. గాళ్స్ సదరు నవమన్మధుడి చెంత అరిచి గోల పెట్టి గగ్గోలు పెట్టించారు. కొందరు భామలైతే మీద పడి సెల్ఫీలు దిగారు. ఆ మొత్తం రచ్చ ఇలా ఫోటో రూపంలో బయటికి రావడం ఆసక్తి రేకెత్తిస్తోంది.

జీవితం ఎంతో చిన్నది. దీనిని అనుభవించి తరించాలి అని భావించే వాళ్లలో ఆర్జీవీ ముందు వరుసలో ఉంటారు. ఆయన 50వయసులోనూ నిత్యయవ్వనుడిలా చిలౌట్ చేయడం వెనక అసలు కారణం అదే. అయితే ఇటీవల ఆర్జీవీ రెమోలా మారిపోయి సెలబ్రేట్ చేసుకున్నదీ లేదు. అందుకే ఇదంతా అభిమానులకు కాస్తంత సర్ ప్రైజింగ్ గానే ఉంది. ఆర్జీవీ వాటీజ్ దిస్ హెల్? అంటూ ఆ పాత ఫోటో గురించే మాట్లాడుకుంటున్నారు. దానిని సామాజిక మాధ్యమాల్లోనూ వైరల్ చేస్తున్నారు.