అందాలను బంధీ చేసిన ముద్దుగుమ్మ..

ఈ అందాల భామ పేరు రియా చక్రవర్తి. బాలీవుడ్ ఇండస్ట్రీలో హీరోయిన్ గా రాణిస్తుంది. ముందుగా బాలీవుడ్ కంటే టాలీవుడ్ లోనే హీరోయిన్ గా మొదటి అడుగు పెట్టింది. 2012లో సుమంత్ అశ్విన్ హీరోగా తెరకెక్కిన తూనిగ తూనిగ సినిమాతో సినీ ఇండస్ట్రీలో ఫస్ట్ స్టెప్ వేసింది. ఆ సినిమా తర్వాత మళ్లీ తెలుగులో ఇంతవరకు మరో సినిమా చేయలేదు ఈ భామ. 2013లో 'మేరే డాడ్ కి మారుతీ' సినిమాతో బాలీవుడ్ లో అడుగుపెట్టింది. ఆ తరువాత వచ్చిన అవకాశాలను అందిపుచ్చుకుంటూ వరుసగా సోనాలీ కేబుల్, దుబారా, హాఫ్ గర్ల్ ఫ్రెండ్, బాంక్ చోర్, జలేబి వంటి సినిమాలు చేస్తూ వచ్చింది. కానీ ఇంతవరకు ఇండస్ట్రీలో అమ్మడికి తగిన గుర్తింపు దక్కలేదనే చెప్పాలి. ఎందుకంటే అమ్మడు అన్నీ గ్లామర్ పాత్రలే చేస్తూ విపరీతంగా ఫ్యాన్ ఫాలోయింగ్ పెంచుకుంది. 2018లో వచ్చిన జలేబి సినిమా తర్వాత చాలా గ్యాప్ తీసుకొని రియా ప్రస్తుతం 'చెహరే' అనే సినిమాలో నటిస్తుంది.

అయితే ఈ ముద్దుగుమ్మ.. సినిమాలలో ముద్దులతో బాగానే రెచ్చిపోతుంది. సినిమాలు ఉన్నా లేకపోయినా అందాలు ఆరబోయడంలో మాత్రం అసలు వెనకడుగు వేయదు. అందుకు నిదర్శనమే సోనాలి కేబుల్, జిలేబీ సినిమాలు. ఈ సినిమాలలో అమ్మడు అందాల విందు.. తెగించిన ముద్దుల గుర్తులను అభిమానులు ఎప్పటికి మర్చిపోలేరు. ఇంత చేసినా ఈ ముద్దుగుమ్మకు మాత్రం అవకాశాలు అరుదుగా వస్తున్నాయి. ఇక అమ్మడు సోషల్ మీడియాలో చాలా పాపులర్.. రియా అందాలను ఆస్వాదించడానికి ఆమె ఫ్యాన్స్ ఎప్పుడు సిద్దంగానే ఉంటారు. సోషల్ మీడియాలో యాక్టీవ్ గా ఉండే ఈ గుమ్మ లాక్ డౌన్ కారణంగా ఇంటికే పరిమితం అయింది. తాజాగా అమ్మడు సూర్యకిరణాలను మీద పడే విధంగా కూర్చున్న పోజులో ఓ ఫోటో పోస్ట్ చేసింది. జీన్స్ షర్ట్ వేసుకొని షార్ట్ లో కూర్చున్న ఆ పోజులో అమ్మడు ఏదో దీర్ఘంగా ఆలోచిస్తున్నట్టు కన్పిస్తుంది. ఆమె కెరీర్ గురించి కావచ్చు అని కొందరు అంటుంటే.. మరికొందరు గ్లామర్ పెంచడానికి అలా కూర్చుందని అంటున్నారు. ఇక ఎవరు ఏమనుకున్నా రియా మాత్రం ఈ మధ్య అందాలను బంధించేసినట్లే కన్పిస్తుంది.