వీడియో : మమ్ముల బతకనివ్వరా అంటున్న రియా

సుశాంత్‌ మృతి చెందినప్పటి నుండి కూడా రియా చక్రవర్తిని మీడియా వారు కలిసేందుకు మాట్లాడేందుకు తీవ్రంగా ప్రయత్నాలు చేస్తూనే ఉన్నారు. ఆమె బయటకు వెళ్లినా లేదా ఆమె కుటుంబ సభ్యులు బయటకు వెళ్లినా కూడా మీడియా వారు వారిని చుట్టుముట్టి ఏదో ఒక సమాధానం రప్పించేందుకు ప్రయత్నాలు చేస్తున్నారు. రియా చక్రవర్తి ఈ వీడియోను షేర్‌ చేసి తన ఇంటి ముందు మీడియా వారు చేస్తున్న హడావుడి ఇది అంటూ అసహనం వ్యక్తం చేసింది. తన తండ్రి బయట నుండి లోనికి వచ్చే సమయంలో మీడియా వారు చాలా ఇబ్బంది పెట్టారంటూ రియా పేర్కొంది.

వీడియో తో పాటు.. ఈ వీడియోలో కనిపిస్తున్నది మా నాన్న ఇంద్రజిత్‌ చక్రవర్తి. మా ఇంటి లోపలకు మీడియా వారు వచ్చి ఆయనతో ఏదో ఒకటి మాట్లాడించేందుకు ప్రయత్నిస్తున్నారు. పోలీసులకు మరియు ఇన్వెస్టిగేషన్‌ ఆఫీసర్స్‌ కు కూడా ఈ విషయాన్ని మేము తెలియజేశాం. వారు ఎలాంటి స్పందన ఇవ్వడం లేదు. మేము పోలీసు వారు ఇన్వెస్ట్‌ గేషన్‌ చేసే వారికి పూర్తిగా సహకరిస్తున్నాం. అయినా కూడా మమ్ములను మీడియా వారు ఇలా వేదిస్తున్నారు.

కరోనా సమయంలో ఇలా మీద మీద పడితే పరిస్థతి ఏంటీ అన్నట్లుగా మమ్ముల బతకనివ్వరా అంటూ రియా కాస్త సీరియస్‌ గా కామెంట్‌ పెట్టింది. ఎప్పటిలాగే రియా ఈ వీడియోకు కూడా పెద్ద ఎత్తున బ్యాడ్‌ కామెంట్స్‌ మరియు విమర్శలు వస్తున్నాయి.