స్టార్‌ హీరో చిన్న కూతురు పెళ్లి ముచ్చట్లు

బాలీవుడ్ సీనియర్ యాక్టర్ అనిల్ కపూర్ ప్రతీ సినిమా అప్పట్లో బాక్సాఫీసు వద్ద సూపర్ సక్సెస్ అవుతూ ఉండేది. హాలీవుడ్ ఫిల్మ్స్‌లోనూ యాక్ట్ చేసిన అనిల్ కపూర్ చివరగా ప్రేక్షకులకు 'ఏకే వర్సెస్ ఏకే' చిత్రంలో కనిపించారు. ఇకపోతే బీ టౌన్‌లో బిజీయెస్ట్ ప్లస్ సిన్సియర్ యాక్టర్ గా అనిల్ కపూర్‌కు పేరుంది. అనిల్ కపూర్ పెద్ద కూతురు సోనమ్ కపూర్ తండ్రి మాదిరిగానే ఫిల్మ్స్ సెలక్ట్ చేసుకుంటుంది. ఈమె చేసిన ప్రతీ సినిమా సక్సెస్ అయింది. ఇకపోతే అనిల్ కపూర్ చిన్న కూతురు రియా కపూర్ కూడా సినీ ఇండస్ట్రీలోనే కొనసాగుతోంది.

ప్రొడ్యూసర్‌గా పలు ఫిల్మ్స్‌ను ప్రొడ్యూస్ చేసిన రియా.. ప్రస్తుతం వైవాహిక జీవితంలోకి ఎంటర్ కాబోతుంది. ముంబైలోని జుహు రెసిడెన్స్‌లో ఈ రోజు తన లాంగ్ టైం బాయ్ ఫ్రెండ్ కరణ్ బూలని ని మ్యారేజ్ చేసుకుంటుంది. ఇందుకు సంబంధించిన ప్రిపరేషన్స్ ఆల్రెడీ పూర్తి కాగా సినీ ప్రముఖులు కూడా హాజరవుతున్నారు. అయితే, ఈ పెళ్లి మూడు రోజులు పాటు జరగున్నట్లు తెలుస్తోంది. బాలీవుడ్ సెలబ్రిటీలు, సినీ ప్రముఖులందరికీ ఇప్పటికే ఆహ్వానం పంపినట్లు సమాచారం.

రియా కెరీర్ విషయానికొస్తే.. 'అయిషా' అనే ఫిల్మ్‌ను ప్రొడ్యూస్ చేయడంతో కెరీర్ షురూ చేసిన రియా కపూర్ పలు సినమాలను ఈ దశాబ్ద కాలంలో నిర్మించింది. తనకంటూ ఓ గుర్తింపు తెచ్చుకుంది. చివరగా ఈమె 'వీరె ది వెడ్డింగ్' సినమా నిర్మించగా, బాక్సాఫీసు వద్ద ఈ చిత్రం సూపర్ సక్సెస్ అయింది. ఈ చిత్రానికి కరణ్ బూలని అసిస్టెంట్ డైరెక్టర్‌గా వ్యవహరించారు. చాలా కాలం నుంచి రిలేషన్ షిప్‌లో ఉన్న వీరిద్దరూ మొత్తానికి పెళ్లితో ఒక్కటవుతున్నారు. అనిల్ కపూర్ సినిమాల విషయానికొస్తే ప్రస్తుతం ఆయన 'జగ్ జగ్ జీయో' అనే చిత్రంలో నటిస్తున్నారు.

అనిల్ కపూర్ నటించిన 'ఏకే వర్సెస్ ఏకే' చిత్రంలో ఆయన కూతురు సోనమ్ కపూర్ కూడా యాక్ట్ చేసింది. సోనమ్ ప్రస్తుతం 'బ్లైండ్' అనే చిత్రంలో నటిస్తుంది. బాలీవుడ్ ఇతర హీరోయిన్లతో పోలిస్తే సోనమ్ నటించింది కొన్ని చిత్రాలే అయినప్పటికీ నటించిన ప్రతీ సినిమా దాదాపుగా బాక్సాఫీసు వద్ద సక్సెస్ అయింది. సౌత్ హీరో ధనుష్‌తో 'రాంజనా' చిత్రంలో సోనమ్ నటించగా, ఆ పాత్రకు ప్రేక్షకులతో పాటు విమర్శకుల నుంచి ప్రశంసలు లభించాయి. ఇకపోతే ఈ భామ 2018లో ఆనంద్ అహుజాను పెళ్లి చేసుకుంది.