ఫొటో స్టోరీ :రీల్‌ షకీలా రియల్‌ షకీలానే తలదన్నేలా..!

సౌత్‌ యూత్‌ ఆడియన్స్‌ ను దాదాపు రెండు దశాబ్దాల పాటు ఉర్రూతలూగించిన బిగ్రేట్‌ హీరోయిన్‌ షకీలా. ఒకప్పుడు షకీలా మూవీ వస్తుందంటే సౌత్‌ స్టార్‌ హీరోలు అంతా కూడా తమ సినిమాల విడుదల తేదీని మార్చుకునేవారు. ముఖ్యంగా మలయాళ స్టార్‌ హీరోలు ఎంతో మంది షకీలా సినిమాలు చేయకుండా ఎన్నో ప్రయత్నాలు చేశారు. అప్పట్లో స్టార్‌గా వెలుగు వెలిగిన షకీలా ప్రస్తుతం చాలా కఠిన పరిస్థితులను ఎదుర్కొంటోంది. షకీలా జీవితం చాలా సినిమాటిక్‌గా, ఎంతో విభిన్నంగా ఉంటుంది. అందుకే ఆమె జీవిత చరిత్ర ఆధారంగా చిత్రాన్ని తెరకెక్కించేందుకు ఏర్పాట్లు చేస్తున్నారు. షకీలా పాత్రను బాలీవుడ్‌ హాట్‌ బ్యూటీ రిచా చద్దా చేస్తోంది.

బాలీవుడ్‌లో ఈమద్య కాలంలో అత్యంత హాట్‌ బ్యూటీగా పేరు తెచ్చుకున్న రిచా చద్దా అయితేనే షకీలా పాత్రకు బాగా సూట్‌ అవుతుందని అంతా అనుకున్నారు. దర్శక నిర్మాతల అంచనాలకు ఏమాత్రం తగ్గకుండా ఆమె షకీలా పాత్రకు న్యాయం చేయగలదు అని ఈ ఫొటోను చూస్తుంటే అనిపిస్తుంది. తాజాగా ఈమె బాలీవుడ్‌ లో ‘లవ్‌ సోనియా’ అనే చిత్రాన్ని చేస్తుంది. ఆ చిత్రంలో వేశ్య పాత్రలో రిచా చద్దా కనిపించబోతుంది. చాలా బోల్డ్‌ పాత్రను పోషించిన రిచా చద్దా లుక్‌ తాజాగా రివీల్‌ అయ్యింది.

‘లవ్‌ సోనియా’లో రిచా చద్దా లుక్‌ షకీలకు ఏమాత్రం తీసిపోని విధంగా ఉందని, 80 మరియు 90 లలో షకీలా చిత్రాలో అచ్చు ఇలాగే ఉండేది. అందుకే షకీలా సినిమాకు ఈమె నూటికి నూరు శాతం న్యాయం చేస్తుందని సినీ వర్గాల వారు అంటున్నారు. షకీలాను మించి అందాలు ఆరబోతున్న ఈ అమ్మడు షకీలాగా ఏ రేంజ్‌లో ఆకట్టుకుంటుందో అనేది అందరిలో ఆసక్తిని రేకెత్తిస్తోంది.