హీరోయిన్స్ నోరు విప్పితే కష్టమే

హాలీవుడ్ లో బడా నిర్మాత హార్వే వీనిస్టీన్ రాసలీలల గురించి అలాగే లైంగిక వేధింపుల గురించి అందరికి తెలిసిందే. గత కొన్ని రోజులుగా హాలీవుడ్ లో వచ్చిన ఆ న్యూస్ ప్రపంచ వ్యాప్తంగా సంచలనం సృష్టించింది. చాలా మంది హీరోయిన్స్ ని వేదించడాని అందరు దైర్యంగా చెప్పారు. అయితే ఆ ఘటన ప్రభావం ఇండియన్ సిల్వర్ స్క్రీన్ కి కూడా తాకింది. గత కొంత కాలంగా చాలా మంది హీరోయిన్స్ సోషల్ మీడియాలో తాము కూడా లైంగిక వేధింపులకు గురయ్యమని చెప్పారు.

ఇక కొందరైతే మీడియా ముందు డైరెక్ట్ గా చెప్పేస్తున్నారు. అవును బాలీవుడ్ లో అలాంటివి జరుగుతున్నాయని ఇంకా మొదటి అవకాశాల కోసం హీరోయిన్స్ పక్కలోకి వెళ్లాల్సిందే అని కొందరు ప్రముఖ నటులు తెలిపారు. అయితే రీసెంట్ గా మరొక ప్రముఖ నటి ఎవరే ఊహించని విధంగా బాలీవుడ్ మొత్తం దద్దరిల్లేలా మిసైల్ లాంటి కామెంట్స్ చేసింది. ఆమె ఎవరో కాదు రీచా చద్దా. అమ్మడు ప్రస్తుతం తన తాజా సినిమా 'ఫక్రే రిటర్న్స్' ప్రమోషన్స్ లో భాగంగా ఇచ్చిన ఒక ఇంటర్వ్యూలో బాలీవుడ్లో లైంగిక వేధింపులపై ఎవరు ఊహించని విధంగా కామెంట్స్ చేసింది. కాస్టింగ్ కౌచ్ వంటివి ఇక్కడ చాలా జరుగుతున్నాయి. బాలీవుడ్ లో ఆ ప్రాబ్లమ్స్ ఫేస్ చేసిన హీరోయిన్స్ నటీమణులు చాలా మంది ఉన్నారు. ఒక్కసారి గనక వారు నోరు విప్పితే బాలీవుడ్ లో చాలా మంది హీరోలను మనం చూడలేము. ఇక కొందరి టెక్నీషియన్లను కూడా కోల్పోతాం.. మరికొందరు వారి వృత్తిని కోల్పోతారు. అంటూ.. రీచా చెప్పిన తీరుకు అందరూ షాక్ అయ్యారు.

అయితే దేశం పరువుపోయేలా బాలీవుడ్ లో ఇలాంటివి తాను చూస్తానని అనుకోలేదని తెలుపుతూ.. ఇలాంటివి ప్రతి ఇండస్ట్రీలో ఉన్నాయని అందరూ ఒకేసారి బయటకు వచ్చి నిజాలను నిర్భయంగా చెబితే.. ఎంతటి బడా ప్రొడ్యూసర్ అయినా కూడా కఠిన చర్యలు తీసుకునే అవకాశం ఉంటుందని ఆమె తెలిపారు.