ఫ్యాన్స్ కి ష‌కీలా క్యాలెండ‌ర్ ట్రీట్

మ‌ల్లూవుడ్ శృంగార తార ష‌కీలా జీవితం వెండితెరకెక్కుతున్న సంగ‌తి తెలిసిందే. `ష‌కీలా` అనేది టైటిల్. బాలీవుడ్ బోల్డ్ బ్యూటీ రిచా చ‌ద్దా టైటిల్ పాత్ర పోషిస్తోంది. ఇటీవ‌లే ఈ సినిమా ఫ‌స్ట్ లుక్ పోస్ట‌ర్లు రిలీజై నెటిజ‌నుల్లో జోరుగా వైర‌ల్ అయ్యాయి. త్వ‌ర‌లోనే ఈ సినిమాని రిలీజ్ కి రెడీ చేస్తున్న సంద‌ర్భంగా ఈ వేడి ఇంకా పెంచేందుకు యూనిట్ స‌న్నాహ‌కాల్లో ఉంది. ప్ర‌మోష‌న్స్ ప‌రంగానూ వేగం పెంచారు.

తాజాగా ష‌కీలా ప్ర‌మోష‌న్ కార్య‌క్ర‌మాల్లో పాల్గొన్న టైటిల్ పాత్ర‌ధారి రిచా చ‌ద్దా ప‌లు ఆస‌క్తిక‌ర సంగ‌తుల్ని రివీల్ చేశారు. ష‌కీలా అభిమానుల‌కు కొత్త సంవ‌త్స‌రం ట్రీట్ అదిరిపోయే రేంజులో ఉంటుంద‌ని తెలిపారు. 1990లలో ష‌కీలా రూపాన్ని, నాడు వెండితెర‌పై బాగా పాపుల‌రైన క్యారెక్ట‌ర్ల‌ను ``12 టంగ్ ఇన్ చీక్ అవ‌తార్స్` పేరుతో ఓ క్యాలెండ‌ర్ గా తేనున్నార‌ట‌. క్యాలెండ‌ర్ లో 12 నెల‌ల‌కు స‌రిప‌డా ప్ర‌తి పేజీపైనా ష‌కీలా ఐకానిక్ సినిమాల లుక్ తో పోస్ట‌ర్ ని ముద్రిస్తార‌ట‌. అవ‌న్నీ బోలెడంత ఫ‌న్ ని ఎలివేట్ చేస్తాయ‌ని రిచా చ‌ద్దా తెలిపారు.

ఇక ష‌కీలా పోస్ట‌ర్ అంటే త‌న‌తో పాటే న‌టించిన ప‌లువురు హీరోలు పోస్ట‌ర్ల‌లో క‌నిపిస్తారు. అలాంటి వాళ్లు ఎవ‌రూ హ‌ర్ట‌వ్వ‌కుండా ముందుగానే ఓ ప్రెస్ నోట్ ని ఎంతో క్రియేటివ్ గా రిలీజ్ చేయ‌డం విశేషం. క్యాలెండ‌ర్ ఎవ‌రినీ అప‌హాస్యం చేసేందుకు కాదు. ఎవ‌రూ హ‌ర్ట్ అవ్వొద్దు. అవ‌న్నీ కేవ‌లం ఫ‌న్ కోసం మాత్ర‌మే. ఎవ‌రినీ కించ‌ప‌రిచేవిగా ఉండ‌వు.. ఏదైనా జోక్ గా తీసుకోండి!! అంటూ నోట్ ని పంపించింది యూనిట్. 1990 కాలంలో చిన్న బ‌డ్జెట్ల‌తో తెర‌కెక్కించిన సినిమాల‌తోనే సంచ‌ల‌న వ‌సూళ్లు తేగ‌లిగిన మేటి శృంగార నాయిక జీవితాన్ని పెద్ద తెరపై చూడాల‌ని అభిమానులు ఎంతో క్యూరియస్ గా వేచి చూస్తున్నారు. సినిమా రిలీజ్ కి ముందే క్యాలెండ్ ట్రీట్ ఉండ‌నుంది. ప్ర‌స్తుతం సినిమా పోస్ట్ ప్రొడ‌క్ష‌న్ ద‌శలో ఉంది. ఈ క్యాలెండ‌ర్ ని ష‌కీలాకు అంకిత‌మిస్తున్నామ‌ని రిచా చద్దా తెలిపారు.