రిష‌బ్ రిష‌బ్ అంటూ రౌతేలాకు వెల్ కం!

ఊర్వశి రౌతేలా ప‌రిచ‌యం అవ‌స‌రం లేదు. బాలీవుడ్ లో హాటెస్ట్ హీరోయిన్ గా పాపుల‌రైన‌ ఈ బ్యూటీ ప‌లు బ్లాక్ బ‌స్ట‌ర్ చిత్రాల్లో న‌టించింది. ఎక్కువ సినిమాలు చేయకపోయినా ఊర్వ‌శి గ్లామ‌ర్ డాళ్ గా భారీ ఫాలోయింగ్ ని తెచ్చుకుంది. సోషల్ మీడియాలో ఆమెకు మంచి పాపులారిటీ ఉంది. అనుచ‌ర గ‌ణం ఉంది.

ఊర్వ‌శికి కాలేజ్ యూత్ లోనూ చ‌క్క‌ని ఫాలోయింగ్ ఉంది. అయితే కొద్దిరోజుల క్రితం ఊర్వశి ఓ కాలేజ్ ఈవెంట్ కు హాజరై ఊహించ‌ని విధంగా ఇబ్బందికర పరిస్థితిని ఎదుర్కొంది. ఆమె అక్కడకు చేరుకోగానే అభిమానులు రిషబ్ రిష‌బ్ అంటూ క్రికెట‌ర్ రిష‌బ్ పంథ్ ని గుర్తు చేస్తూ నినాదాలు చేశారు.

భారత క్రికెటర్‌ రిషబ్ పంథ్‌-ఊర్వశి రౌతేలా జోడీ చాలా కాలం క్రితం డేటింగ్ లో ఉన్నారనే విష‌యం చాలా మందికి తెలియనిది. కానీ విద్యార్థులు ఆ పాయింట్ ని విడిచిపెట్ట‌లేదు. ఊర్వశి వచ్చిన వెంటనే అభిమానులు అతని పేరును ప‌దే ప‌దే నిన‌దించారు. ప్ర‌స్తుతం అందుకు సంబంధించిన వీడియో అంత‌ర్జాలంలో వైర‌ల్ గా మారింది.

హేట్ స్టోరి 4 .. గ్రేట్ గ్రాండ్ మస్తీ చిత్రాలతో ఊర్వ‌శి రౌతేలా న‌టిగా నిరూపించుకుంది. మోడ‌లింగ్ చేస్తూనే బుల్లితెర‌ను ఏలిన ఈ బ్యూటీ అందాల రాణిగా కిరీటం గెలుచుకున్న సంగ‌తి తెలిసిందే. ఈ బ్యూటీ తొంద‌ర్లోనే తెలుగు ప‌రిశ్ర‌మ‌లో అడుగుపెడుతోంద‌ని ఇటీవ‌ల ప్ర‌చారం సాగింది.

బ‌న్ని న‌టించిన పుష్ప‌లో ఐట‌మ్ నంబ‌ర్ చేస్తుంద‌ని ప్ర‌చార‌మైనా కానీ అది కుద‌ర‌లేదు. తాజా నివేదిక ప్రకారం.. నితిన్ హీరోగా న‌టిస్తున్న `మాచర్ల నియోజకవర్గం`లో ఐట‌మ్ భామ‌గా ట్రీటివ్వ‌నుంద‌ని ప్ర‌చార‌మ‌వుతోంది. అధికారికంగా ఎటువంటి ధృవీకరణ లేకయినా ఈ పొలిటికల్ డ్రామాలో ఊర్వశి రౌతేలా ప్రత్యేక పాటలో న‌ర్తించ‌నుంద‌ని తెలుస్తోంది.