​బాహుబలి రాజ్యంలో ఇల్లు కావాలి!!

బాహుబలి సినిమాకి పెద్ద మూలస్థంబం ఆ సినిమాకు వేసిన మాహిష్మతి సెట్. డైరెక్టర్ కన్న కలని సాకారం చేయడానికి.. కథకు కావలిసిన ప్రతిదీ జాగ్రత్తగా అమర్చారు. మహిష్మతి రాజ్యం లుక్ నుండి వాళ్ళు వాడే ప్రతీ వస్తువు వరుకు.. అద్బుతంగా తీర్చిదిద్దారు. అలా చూసారు కాబట్టే సినిమా మనకు అంతా రిచ్ గా కనిపించింది.

బాహుబలి ఇప్పుడు విదేశీ బాక్స్ ఆఫీసు వద్ద మరింత జోరుగా కలెక్షన్లు చేస్తుంది. అటువంటిది ఇండియాలో ఎలాంటి కలెక్షన్లు ఉన్నాయో చెప్పేపనిలేదు. ఇక హిందీ సీనియర్ నటుడు రిషి కపూర్ గురించి ఆయన పెట్టె ట్వీట్స్ గురించి ఫిల్మ్ న్యూస్ చదువుతున్న ప్రతీ వారికి తెలిసిందే. మాంచి తమాషాగా ఉంటాయ్. ఇప్పుడు కూడా అలాగే పెట్టాడు బాహుబలి సినిమా చూసి. “బాహుబలి సినిమా చూశాను నాకు తెగ నచ్చేసింది. ముఖ్యంగా బాహుబలి రాజ్యం వాళ్ళు గదులు అక్కడ ఫర్నీచర్ అన్నీ నచ్చాయి. అక్కడ ఒక డబుల్ బెడ్ రూమ్ ఫ్లాట్ ఉంటే ఎవ్వరైన చూసిపెట్టారూ'' అని అడుగుతున్నాడు.

అంతేకాకుండా ఇండియా గర్వంగా చెప్పుకునే సినిమా బాహుబలి అని నేను కూడా అదే ఫిల్మ్ ఇండస్ట్రి లో ఉండటం నాకు చాలా సంతోషం ఇచ్చింది అని చెప్పాడు. ఏది ఏమైనా అతని తమాషా లో కూడా నిజం ఉంది కదా.