వామ్మో.. ఆ గెటప్ లేంటి కపూర్ జీ

రిషి కపూర్ పేరు చెబితే రొమాంటిక్ సీన్స్ మైండ్ లో గిర్రున తిరగాల్సిందే. అంత జాలీగా లైఫ్ ని ఎంజాయ్ చేసే మనుషులు చాలా తక్కువ మంది ఉంటారు. ఇప్పటికీ అప్పుడప్పుడూ మంచి మంచి పాత్రలతో అలరిస్తున్నారు రిషి కపూర్. ఈయన ఫిలిం లవ్ స్టోరీల లెక్క చెప్పాలంటే బోలెడు మంది హీరోయిన్స్ ఉంటారు. జయప్రద - నీతు సింగ్ - జూహీ చావ్లా - మాధురీ దీక్షిత్.. ఇలా టాప్ హీరోయిన్స్ ని ఎవరినీ వదిలిపెట్టలేదు ఈ రొమాంటిక్ హీరో.

ఈ సీనియర్ హీరోకి గెటప్ లతో ప్రయోగాలు చేయడమంటే చాలా ఇష్టం. డిఫరెంట్ గెటప్పులతో ఆకట్టుకుంటూ ఉంటారు. అగ్నిపథ్ మూవీలో రౌఫ్ లాలా గెటప్ కి విపరీతమై పేరు తెచ్చుకున్నారీయన. ఇప్పుడు రెండు సినిమాల్లో నటిస్తున్నారు ఈ కపూర్ జీ. సిద్ధార్ధ్ మల్ హోత్రా - ఆలియా భట్ నటిస్తున్న కరణ్ జోహార్ మూవీ కపూర్ అండ్ సన్స్ లో ఓ పాత్ర చేస్తున్నారు. ఈ మూవీలో తన గెటప్ ని పోస్ట్ చేశారు రిషి. కపూర్ అండ్ సన్స్ లో తన ఫస్ట్ అంటూ ట్వీట్ చేశారు.

నాలుగు రోజుల క్రితం కూడా సనమ్ రే చిత్రంలో కేమియో చేస్తున్నట్లు చెప్పిన రిషి కపూర్.. అందులో లుక్ ని కూడా ట్వీట్ చేశారు. భయపడ్డం కోసం కాదంటూ ఫైనల్ టచ్ కూడా ఇచ్చారు లెండి. రెండూ వేటికవే డిఫరెంట్. కంప్లీట్ గా ఛేంజ్ ఉన్నవే. సనమ్ రే మూవీలో అయితే.. అసలు ఈ పిక్ తనదే అని ఆయన చెప్పాడు కాబట్టి సరిపోయింది కానీ.. లేకపోతే అది రిషికపూర్ దే అని గుర్తు పట్టడం కూడా కష్టమే.

ఈ గెటప్పులు చూస్తుంటే.. ఒక విషయం అర్ధం కావాలి. కొడుకు రణ్ బీర్ కపూర్ కి కూడా ఇంతలా ఛేంజ్ చూపించడం సాధ్యం కావడం లేదు. కొడుకు కంటే తండ్రే ఎక్కువగా ఇరగదీసేస్తుండడం హైలైట్.