కంటతడి పెట్టిస్తున్న రిషికపూర్ చివరి వీడియో

ఇండియన్ సినీ ఇండస్ట్రీలో దిగ్గజాల మరణాలు శోకసంద్రంలోకి నెట్టివేస్తున్నాయి. నిన్న ప్రముఖ నటుడు ఇర్ఫాన్‌ఖాన్ మృతిని మరువకముందే మరో ప్రముఖ బాలీవుడ్ నటుడు రిషికపూర్ ఈరోజు ఉదయం మరణించారు. క్యాన్సర్‌తో పోరాడి తుదిశ్వాస విడిచారు రిషికపూర్. ఇక రిషికపూర్ తన చివరి క్షణాల్లో కూడా చాలా ఉల్లాసంగా గడిపినట్లు కుటుంబ సభ్యులు తెలిపారు. రిషికపూర్ నిజంగానే చాలా ఉల్లాసంగా గడిపారని చెప్పేందుకు తాజాగా ఓ వీడియో సోషల్ మీడియాలో హల్చల్ చేస్తోంది. రిషికపూర్ చనిపోయే ముందు హాస్పిటల్‌లో బెడ్‌ పైన ఓ వ్యక్తి పాటను ఆలపిస్తుండగా చాలా ఆసక్తితో తిలకించారు. పాట పూర్తయిన తర్వాత ఆ అబ్బాయిని ఆశీర్వదించారు కూడా. ప్రస్తుతం ఆ వీడియో సోషల్ మీడియాలో వైరల్ అవుతోంది.

ఈ వీడియోను చూసిన సినీ ప్రేమికులు ఆయన అభిమానుల కళ్ళు చెమ్మగిల్లుతున్నాయి. అప్పట్లోనే లవర్ బాయ్ ఇమేజ్ సంపాదించుకున్నారు రిషి కపూర్. క్యాన్సర్‌తో పోరాడుతూ గురువారం రోజున తుది శ్వాస విడిచారు. ఇక రిషికపూర్ అంత్యక్రియలు చాలా సాధారణంగా నిర్వహించారు కుటుంబ సభ్యులు. కుటుంబ సభ్యులతో పాటు మరికొందరు సన్నిహితులు మాత్రమే అంత్యక్రియలకు హాజరయ్యారట. కరోనా వైరస్ నేపథ్యంలో కేవలం 20మంది మాత్రమే రిషికపూర్ అంత్యక్రియలకు హాజరయ్యారట. ముంబైలోని చందన్వాడీ స్మశానవాటికలో రిషికపూర్ అంత్యక్రియలు పూర్తి చేశారట. రిషికపూర్ అంత్యక్రియలకు భార్య నీతు - రణ్‌ బీర్ కపూర్ - ఆలియాభట్ - సైఫ్ అలీఖాన్ - కరీనాకపూర్ - రణధీర్ కపూర్ - అభిషేక్ బచ్చన్‌ లు హాజరయినట్లు సమాచారం. ప్రముఖులు రాజకీయనాయకులు రిషికపూర్‌ కు ట్విటర్ ద్వారా తమ సంతాపాన్ని తెలుపుతున్నారు.