నాగశౌర్యను తప్ప ఎవరినీ ఊహించుకోలేను: రీతూ వర్మ

రీతూ వర్మ మొదటి నుంచి కూడా కథల విషయంలోను .. తన పాత్రల విషయంలోను ఎన్నో జాగ్రత్తలు తీసుకుంటూ వస్తున్నారు. తనకి నచ్చిన .. తన స్వభావానికి తగిన పాత్రలను మాత్రమే ఎంచుకుంటూ వస్తున్నారు. ఇంతవరకూ ఆమె పోషించిన పాత్రలను చూస్తే ఈ విషయం మనకి అర్థమవుతుంది. ఆమె తాజా చిత్రంగా 'వరుడు కావలెను' సినిమా ఈ నెల 29వ తేదీన థియేటర్లలో దిగనుంది. ఈ సందర్భంగా నిన్న రాత్రి జరిగిన ప్రీ రిలీజ్ ఈవెంట్ లో ఆమె మాట్లాడారు.

"అందరికీ నమస్కారం .. ఇక్కడికి వచ్చిన మీడియావారికి .. అల్లు అర్జున్ గారికి .. అల్లు అర్జున్ గారి ఫ్యాన్స్ కి .. త్రివిక్రమ్ గారికి.. థ్యాంక్యూ సో మచ్. అసలు ఏం మాట్లాడాలో అర్థం కావడం లేదు .. చేతులు వణుకుతున్నాయి. ముందుగా నేను అల్లు అర్జున్ గారికి చెబుతున్నాను .. నేను ఆయనకి అభిమానిని. నా ఫస్టు మూవీ నుంచి నన్ను ఎంతో సపోర్టు చేశారు .. ఎంకరేజ్ చేశారు. అది నేను ఎప్పటికీ గుర్తుపెట్టుకుంటాను. ఆయనతో కలిసి పనిచేసే అవకాశం ఎప్పుడు దొరుకుతుందా అని నేను ఎదురుచూస్తూ ఉంటాను. ఇక్కడికి వచ్చినందుకు త్రివిక్రమ్ గారికి థ్యాంక్స్ చెబుతున్నాను.

ఇక మా ప్రొడ్యూసర్స్ చినబాబుగారికీ .. వంశీ గారికి నేను థ్యాంక్స్ చెప్పుకోవాలి. ఈ బ్యానర్లో పనిచేయడం నా అదృష్టంగా భావిస్తున్నాను. ఆయన సపోర్టు వలన .. నాపై గల నమ్మకం కారణంగా నేను ఈ రోల్ ఇంతబాగా చేయగలిగాను. ఇక మా డైరెక్టర్ సౌజన్యగారు ప్రేమతో మనసు పెట్టి ఈ సినిమా చేశారు. ఆమె కష్టానికి తగిన ఫలితం ఉంటుందని భావిస్తున్నాను. నాగశౌర్యను తప్ప నేను ఈ రోల్ లో ఎవరినీ ఊహించుకోలేను .. చాలా చాలా బాగా చేశారు. మళ్లీ ఆయనతో కలిసి పనిచేసే అవకాశం వస్తుందని భావిస్తున్నాను.

ఇక నదియా గారితో కలిసి స్క్రీన్ షేర్ చేసుకునే అవకాశం రావడం నా అదృష్టం. మళ్లీ మళ్లీ ఆమెతో కలిసి నటించే అవకాశం రావాలని కోరుకుంటున్నాను. ఈ సినిమాకి సంబంధించిన మేజర్ క్రెడిట్ కెమెరామేన్ వంశీ గారికి చెందుతుంది. మమల్ని ఇంత అందంగా చూపించినందుకు థాంక్యూ సో మచ్. విశాల్ గారు చాలా బ్యూటిఫుల్ .. సోల్ ఫుల్ మ్యూజిక్ ఇచ్చారు. అలాగే తమన్ గారికి కూడా థాంక్స్ చెబుతున్నాను. ఈ సినిమా కోసం నిజంగా ఎంజాయ్ చేస్తూ డాన్స్ చేశాను. ఈ నెల 29వ తేదీన థియేటర్స్ కి వెళ్లి ఈ సినిమా చూడండి" అని చెప్పుకొచ్చారు.