నాని కొత్త సినిమాలో ముంబై భామ

సహజ నటుడుగా గుర్తింపు పొందిన నాని ఇప్పుడు నేచురల్ స్టార్ అయిపోయాడు. భలే భలే మగాడివోయ్ బ్లాక్ బస్టర్ తర్వాత, రీసెంట్ గా వచ్చిన కృష్ణగాడి వీర ప్రేమగాథ యావరేజ్ గా నిలిచింది. అయితే.. సరైన సినిమా పడితే నాని కెపాసిటీ ఏ రేంజ్ లో ఉంటుందో ఇప్పటికే ఇండస్ట్రీకి అర్ధమైపోయింది. అందుకే ఇప్పుడు ప్రాజెక్టులను చాలా ఎలర్ట్ గా సెలెక్ట్ చేసుకుంటున్న నాని.. కాంబినేషన్స్ విషయంలో కూడా ఎక్కువ కాన్సన్ ట్రేషన్ చూపిస్తున్నాడు.

అష్టాచెమ్మాతో తనను పరిచయం చేసి, లైఫ్ ఇచ్చిన ఇంద్రగంటి మోహనకృష్ణతో ప్రస్తుతం నాని ఓ మూవీ చేస్తున్నాడు. ఈ మూవీ ఇప్పటికే సగానికి పైగా షూటింగ్ పూర్తి చేసుకోగా.. తర్వాత ప్రాజెక్ట్ ను కూడా ఇప్పటికే ఫిక్స్ చేసేసుకున్నాడు నేచురల్ స్టార్. ఉయ్యాలా జంపాలా డైరెక్టర్ విరించి వర్మకు.. నాని గ్రీన్ సిగ్నల్ ఇచ్చాడు.

విరించి - నాని కాంబినేషన్ లో రానున్న సినిమాలో.. ఓ కొత్త హీరోయిన్ ను పరిచయం చేయనున్నారు. రియా లుధానీ అనే ముంబై భామను.. టాలీవుడ్ కి ఇంపోర్ట్ చేస్తున్నారు. అనేక మందికి స్క్రీన్ టెస్టులు చేసి, చివరకు సెకండ్ హీరోయిన్ పాత్రకు రియానే ఫైనల్ చేశాడు డైరెక్టర్ విరించి. ఇక ఈ మూవీలో లీడ్ హీరోయిన్ గా మలయాళీ భామ అను ఇమాన్యుయేల్ కనిపించనుంది.