బన్నీ కార్వాన్ కి ప్రమాదం..

స్టైలిష్ స్టార్ అల్లు అర్జున్ కార్వాన్ కు ఖమ్మం సమీపంలో రోడ్డు ప్రమాదం జరిగినట్లు తెలుస్తోంది. బన్నీ ప్రస్తుతం 'పుష్ప' సినిమా షూటింగ్ షెడ్యూల్ లో ఉన్న సంగతి తెలిసిందే. అయితే ప్రమాద సమయంలో అల్లు అర్జున్ కార్వాన్ లో లేకపోవడం ఊరట కలిగించే విషయన్6. ఇక ఈ ఘటనకు సంబంధించి పూర్తి సమాచారం తెలియాల్సి ఉంది.

ఇకపోతే అల్లు అర్జున్ - దర్శకుడు సుకుమార్ కాంబోలో వస్తున్న హ్యాట్రిక్ మూవీ 'పుష్ప' పై భారీ అంచనాలే ఉన్నాయి. ఈ చిత్రాన్ని ఆగస్టు 13వ తేదీన ప్రేక్షకుల ముందుకు తీసుకురాబోతున్నట్లు మేకర్స్ ఇటీవలే ప్రకటించారు. దీనికి తగ్గేట్టే సుక్కు అండ్ టీమ్ 'పుష్ప' షూటింగ్ జరువుతున్నారు. ఇటీవలే ఓ సాంగ్ షూట్ కి సంబంధించిన వీడియో లీక్ అయింది.

కాగా, శేషాచలం అడవుల్లో ఎర్ర చందనం స్మగ్లింగ్‌ నేపథ్యంలో రానున్న ఈ చిత్రంలో బన్నీ లారీ డ్రైవర్‌ పుష్పరాజ్ పాత్రలో కనిపించనున్నాడు. మైత్రీ మూవీ మేకర్స్ మరియు ముత్యంశెట్టి మీడియా పతాకాలపై ఈ సినిమా రూపొందుతోంది. దేవిశ్రీప్రసాద్ ఈ చిత్రానికి సంగీతం సమకూరుస్తున్నారు. ఇప్పటికే విడుదలైన ప్రచార చిత్రాల్లో బన్నీ లుక్ ఆకట్టుకుంది.