రోబో-2 పోస్టర్ అదిరిపోయిందిగా..

ఓ క్రేజీ ప్రాజెక్టు అనౌన్స్ చేశారంటే చాలు.. అభిమానులు తమ క్రియేటివిటీకి పదును పెట్టేస్తారు. సొంత డిజైన్లతో అదిరిపోయే పోస్టర్లు.. టీజర్లు రెడీ చేసేస్తారు. ఆ మధ్య ‘గౌతమీ పుత్ర శాతకర్ణి’ ప్రాజెక్టు ఇలా అనౌన్స్ చేశారో లేదో.. సిరాశ్రీ అనే రైటర్ ఓ పాట కంపోజ్ చేస్తే దానికి ‘బాజీరావ్ మస్తానీ’ విజువల్స్ మిక్స్ చేసి అదిరిపోయే రేంజిలో ఔట్ పుట్ తీసుకొచ్చారు బాలయ్య అభిమానులు. ఇక పవన్ కళ్యాణ్ హీరోగా ‘సేనాపతి’ అనే సినిమా ఒకటి తెరమీదికి రాగానే.. తమ క్రియేటివిటీతో చక్కటి పోస్టర్ ఒకటి తయారు చేశారు. మన దగ్గరే కాదు.. తమిళ నాట కూడా అభిమానులు ఇలాగే క్రేజీ ప్రాజెక్టుల విషయంలో తమ క్రియేటివిటీ చూపిస్తుంటారు.

రజినీకాంత్-శంకర్ కాంబినేషన్లో తెరకెక్కబోతున్న రోబో సీక్వెల్ ‘2.0’కు సంబంధించి దీని మేకర్స్ ఇప్పటిదాకా ఏ లుక్ రిలీజ్ చేసింది లేదు. కానీ అభిమానులు మాత్రం అప్పటిదాకా ఆగకుండా ఓ పోస్టర్ డిజైన్ చేశారు. అది చూస్తే నిజంగా శంకర్ అండ్ కోనే ఈ పోస్టర్ రిలీజ్ చేశారేమో అని నమ్మేసేలా ఉంది. ‘రోబో’ తొలి భాగంలో చిట్టి రోబోను తయారు చేసేటపుడు మెటల్ తో కనిపించే ఆకారాన్ని బేస్ చేసుకుని ఈ పోస్టర్ డిజైన్ చేశారు. ఈ పోస్టర్ టాప్ క్లాస్ అనిపిస్తోందంతే. ఇక టైటిల్ లోగో కూడా పోస్టర్ కు తగ్గట్లే ఉంది. ఈ పోస్టర్ శంకర్ అండ్ కో చూస్తే.. వీళ్లతోనే ‘2.0’ ఒరిజినల్ పోస్టర్ కూడా డిజైన్ చేయించుకుందామని అనిపిస్తే అతిశయోక్తి లేదు.