ముగ్గురూ రోబోలే.. ఇవిగో సాక్ష్యాలు

ఇక 'రోబో' సినిమాలో ఒక మరమనిషిగా కనిపించిన సూపర్ స్టార్ రజనీకాంత్.. ఖచ్చితంగా సీక్వెల్ లో కూడా అదే తరహాలో కనిపిస్తారని అందరూ ఊహించిన విషయమే. అయితే ఇదే సినిమాలో హీరోయిన్ యామీ జాక్సన్ కూడా ఒక రోబోగా కనిపిస్తుందని ఎప్పటినుండో మనం వింటూనే ఉన్నాయ్. ఇప్పుడు అందుకు సాక్ష్యం కూడా దొరికింది.

నాలుగొందల కోట్ల ఖర్చుతో రూపొందుతున్న రోబో 2.0 సినిమాను దర్శకుడు శంకర్ చాలా జాగ్రత్తగా తెరకెక్కిస్తున్నాడు. ఈ సినిమాకు సంబంధించిన ఒక్క ఫ్రేమ్ కూడా బయటకు రాకుండా జాగ్రత్తపడుతున్నాడు. అయినాసరే ఆ మధ్యన ఢిల్లీ స్టేడియంలో షూట్ చేసినప్పుడు అక్షయ్ కుమార్ పోషిస్తున్న కాకి మనిషి పాత్రకు సంబంధించిన ఫోటోలు బయటకొచ్చాయి. ఇప్పుడు చెన్నయ్ దగ్గర్లోని ఈసిఆర్ హైవే పై తీసిన చేజ్ సీక్వెన్స్ నుండి రెండు చిన్న స్నాప్స్ లీక్ అయ్యాయ్. అందులో ఒక కంటైనర్ ట్రక్కును తోసేస్తున్న రోబో రజినీ ఒక వైపు.. అదే ట్రక్కును నడుపుతున్న రోబో ఆమీ మరోవైపు మనం చూడొచ్చు. సో ఎలా చూసినా కూడా ఈ సినిమాలో రజనీ, ఆమీ, అక్షయ్ ముగ్గురూ రోబోలే అనమాట. అది కాకుండా రజనీ డ్యుయల్ రోల్ లో సైంటిస్ట్ వసీగరన్ క్రింద కనిపిస్తాడు.

శంకర్ డైరక్షన్లో రూపొందుతున్న రోబో 2.0 గత కొంతకాలంగా పోస్టు ప్రొడక్షన్ పనుల్లోనే బిజీగా ఉంది. మరి దీపావళి నుండి రిలీజ్ ఆల్రెడీ పోస్టుపోన్ అయ్యింది అంటున్నారు కాబట్టి.. సంక్రాంతికైనా వస్తుందా రాదో చూడాలి.

Like Us on Facebook : https://www.facebook.com/Tupakidotcom/