రాకీతో డబ్బింగ్ షురూ చేసిన రాకింగ్ డైరెక్టర్..!

దేశవ్యాప్తంగా సినీ అభిమానులు ఎంతో ఆసక్తిగా ఎదురుచూస్తున్న సినిమాలలో ''కేజీఎఫ్‌ ఛాప్టర్‌-2" ఒకటి. కన్నడ రాకింగ్ స్టార్ యశ్‌ - డైరెక్టర్ ప్రశాంత్ నీల్ కాంబినేషన్ లో వచ్చిన బ్లాక్‌ బస్టర్‌ హిట్‌ ‘కేజీఎఫ్‌-‌1’కు ఇది స్వీకెల్‌. ప్రస్తుతం నిర్మాణానంతర కార్యక్రమాలు జరుపుకుంటున్న ఈ చిత్రాన్ని జులై 16న వరల్డ్ వైడ్ విడుదల చేయనున్నారు. ఒకవైపు యంగ్ రెబల్ స్టార్ ప్రభాస్ తో 'సలార్' సినిమా చేస్తున్న ప్రశాంత్.. మరోవైపు యష్ తో 'కేజీఎఫ్‌ 2' డబ్బి5చెప్పిస్తున్నాడు. తాజాగా ప్రశాంత్ నీల్ సోషల్ మీడియా వేదికగా ఈ విషయాన్ని తెలిపాడు.

''రాకీతో డబ్బింగ్ చెప్పించడం ఎల్లప్పుడూ రాకింగ్ గానే ఉంటుంది'' అని ట్వీట్ చేసిన ప్రశాంత్.. యష్ ని హగ్ చేసుకుని ఉన్న ఓ ఫోటోని షేర్ చేశారు. ఇది చూసిన ఫ్యాన్స్ ఈ మూమెంట్ మాకు కూడా రాకింగే అంటూ కామెంట్స్ పెడుతున్నారు. ఇకపోతే యష్ 'కేజీఎఫ్‌ 2' కోసం హిందీ వెర్ష‌న్ లో త‌న పాత్ర‌కు తానే డ‌బ్బింగ్ చెప్పుకుంటున్నట్లు తెలుస్తోంది. య‌శ్ ని ఉత్తరాదిలో అభిమానించే వారికి ఈ నిర్ణ‌యం అత‌న్ని మ‌రింత ద‌గ్గ‌ర చేస్తుంద‌న‌డంలో ఎలాంటి సందేహం లేదు. ఈ చిత్రంలో బాలీవుడ్‌ నటుడు సంజయ్‌ దత్‌ ‘అధీరా’ అనేవిలన్ పాత్రలో కనిపించారు. శ్రీనిధి శెట్టి హీరోయిన్ గా నటించగా.. రవీనా టాండన్ కీల‌క పాత్ర‌ పోషించారు. హోంబలే ఫిలింస్ బ్యానర్ పై విజయ్‌ కిరగందూర్‌ ఈ పాన్ ఇండియా చిత్రాన్ని నిర్మిస్తున్నాడు.