పాన్ ఇండియా రాక్ స్టార్ ఫ‌స్ట్ పాప్ సాంగ్‌!

తెలుగు, త‌మిళ, క‌న్న‌డ, బెంగాలీ, హిందీ చిత్రాల‌కు సంగీతం అందించి వ‌రుస బ్లాక్ బ‌స్ట‌ర్ ఆల్బ‌మ్ ల‌తో రాక్ స్టార్ అనిపించుకున్నాడు సంగీత సంచ‌ల‌నం దేవి శ్రీ‌ప్ర‌సాద్‌. ఐకాన్ స్టార్ అల్లు అర్జున్ న‌టించిన `పుష్ప‌` మూవీకి దేవి అందించిన ఆల్బ‌మ్ వ‌ర‌ల్డ్ వైడ్ గా పాపుల‌ర్ అయిన విష‌యం తెలిసిందే. ఈ మూవీ బ్లాక్ బ‌స్ట‌ర్ హిట్ గా నిల‌వ‌డంతో దేవి శ్రీ‌ప్ర‌సాద్ పాన్ ఇండియా మ్యూజిక్ డైరెక్ట్ గా మారిపోయాడు. ఇంత వ‌ర‌కు హిందీ సినిమాల‌కు 1 లేదు రెండు సాంగ్ ల‌కు సంగీతం అందిస్తూ వ‌స్తున్నాడు దేవి.

త‌న‌తో టీసిరీస్ తాజాగా చేతులు క‌లిపింది. త‌న‌తో తొలి సారి హిందీలో పాప్ సాంగ్ ని రిలీజ్ చేస్తోంది. ఈ విష‌యాన్ని ఇప్ప‌టికే ప్ర‌క‌టించిన టి సిరీస్ వ‌ర్గాలు తాజాగా ఆదివారం `ఓ పారి` అంటూ సాగే ఈ పాప్ వీడియోని ద‌క్షిణాది భాష‌లైన తెలుగు, త‌మిళ, మ‌ల‌యాళ‌, క‌న్న‌డ భాష‌ల్లోనూ విడుద‌ల చేస్తామంటూ ఓ వీడియోని విడుద‌ల చేసింది.

పూర్తి వీడియో సాంగ్ ని అక్టోబ‌ర్ 4న విజ‌య ద‌శమి సంద‌ర్భంగా రిలీజ్ చేయ‌బోతున్నారు. ఈ విష‌యాన్ని టి సిరీస్ ట్విట్ట‌ర్ హ్యాడిల్ ద్వారా వెల్ల‌డించింది. ప్ర‌స్తుతం దేవి శ్రీ‌ప్ర‌సాద్ `పుష్ప 2`, మెగాస్టార్ చిరంజీవి తో బాబి తెర‌కెక్కిస్తున్న 154వ మూవీ `వాల్తేరు వీర‌య్య‌`కు సంగీతం అందిస్తున్నాడు. ఇక హిందీలో దేవి చేతిలో మూడు క్రేజీ సినిమాలున్నాయి.

ర‌ణ్ వీర్ సింగ్ న‌టిస్తున్న `స‌ర్క‌స్` (2 సాంగ్స్ ఓన్లీ), స‌ల్మాన్ ఖాన్ న‌టిస్తున్న `కిసీకీ భాయ్ కిసీకి జాన్‌`, అజ‌య్ దేవ్ గ‌న్ `దృశ్యం 2` వంటి బాలీవుడ్ క్రేజీ సినిమాల‌కు దేవిశ్రీ‌ప్ర‌సాద్ సంగీతం అందిస్తున్నాడు. `దృశ్యం 2` న‌వంబ‌ర్ 18న విడుద‌ల కానుండ‌గా, `స‌ర్క‌స్` డిసెంబ‌ర్ 23న రిలీజ్ కాబోతోంది. ఇక స‌ల్మాన్ ఖాన్ న‌టిస్తున్న `కిసీకీ భాయ్ కిసీకి జాన్‌` కూడా సెంటిమెంట్ ప్ర‌కారం డిసెంబ‌ర్ లోనే రిలీజ్ కు రెడీ అవుతోంది.